Саясий серепчи: азыркы геосаясий абал БУУнун кризиске кептелгенин көрсөттү
© Sputnik / Асель Сыдыкова
Жазылуу
Саясий серепчи Бакытбек Жумагулов дүйнө бир полярдуу системадан көп полярдуулукка умтулуп жатканын белгиледи.
Учурдагы геосаясий абал БУУнун кризиске кептелгенин айгинелөөдө. Мындай пикирин Бакытбек Жумагулов Sputnik Кыргызстан радиосуна маек куруп жатып билдирди.
Саясий серепчи: азыркы геосаясий абал БУУнун кризиске кептелгенин көрсөттү
Анын айтымында, бул жагдай ар кандай альянстардын түзүлүшүн шарттап жатат.
"Бириккен Улуттар Уюму (БУУ) Экинчи дүйнөлүк согуштан кийин планетадагы тынчтыкты, өнүгүүнү камсыздоо үчүн түзүлгөн. Бирок Советтер Союзу тарагандан кийинки окуялар БУУну кризиске алып келди. Учурдагы геосаясий абал, анын ичинде Украинанын тегерегиндеги жагдай аны айгинелөөдө. Мунун арты менен ар кандай альянстар пайда болуп жатат, алардын көз караштары ар башка. Мисалы, Европадагы коопсуздук жана кызматташтык уюмунда (ЕККУ) жеке адамдын укугу, демократия деген баалуулуктарга басым жасалууда. Ал эми Шанхай кызматташтык уюмунда (ШКУ) мамлекеттердин бүтүндүгү сакталышы керектиги талап кылынууда. Алар Ирак, Сирия, Ливия, Ирандагыдай окуялар болбошу керектигин белгилеп жатышат. Украинадагы жагдай — дал ошол БУУдагы кризисти чечүү аракети. Мурда мындай тирештерде тынчтыкты орнотуу жоопкерчилигин АКШ алып келген болсо, бул жолу ал конфликтинин катышуучусу катары бир тарапты тандады. Натыйжада бул жоопкерчиликти Кытай алып, 12 пунктудан турган тынчтык келишимин сунуштады", — деди Жумагулов.
Ошондой эле ал тынчтык келишимин Кытай эмес БУУ сунушташы керектигин, бирок андай болбогонун кошумчалады.
