https://sputnik.kg/20230326/rossiya-bularusta-taktikalyk-ozoktuk-kuralyn-zhajgashtyrat-1073895853.html
Россия Беларуста тактикалык өзөктүк куралын жайгаштырат
Россия Беларуста тактикалык өзөктүк куралын жайгаштырат
Sputnik Кыргызстан
Батыш Украинага бермекчи болгон акталган ураны бар ок-дары массалык жок кылуучу куралга кирбейт, ошентсе да андан радиациялык чаң чыгып, мындан улам кооптуу... 26.03.2023, Sputnik Кыргызстан
2023-03-26T00:33+0600
2023-03-26T00:33+0600
2023-03-26T00:44+0600
дүйнөдө
россия
улуу британия
"искандер"
беларусь
владимир путин
өзөктүк курал
https://sputnik.kg/img/104474/16/1044741622_0:0:3077:1731_1920x0_80_0_0_a5b10353a4a8685c5934c3257b6cd515.jpg
БИШКЕК, 26-мар. — Sputnik. Москва менен Минск Беларустун аймагында тактикалык өзөктүк курал жайгаштырууну макулдашты. Бул тууралуу Россия президенти Владимир Путин "Россия 24" телеканалынын кабарчысы Павел Зарубин менен маектешип жатып айтканын РИА Новости жазды.РФ лидери Россия Беларуска учактарды кайра жасап жабдып чыгууга жардам бергенин белгиледи. Мындан тышкары, Минскиге "Искандер" ракеталык комплекстери берилген. Путин курал Өзөктүк куралды жайылтпоо боюнча келишимдин талаптарын бузбастан жайгаштырыларына токтолду.Президенттин айтымында, мындай кадамга Улуу Британиянын Украинага акталган ураны бар ок-дары берүү чечими түрткү болгон. Путин Беларусь өз аймагында россиялык өзөктүк курал жайгаштыруу өтүнүчүн буга чейин эле айтып келгенин белгиледи. Ал Москва Кошмо Штаттар он жылдап алектенип келген нерсени жасап жатканын кошумчалаган.Өлкө башчысы Батыш Украинага бермекчи болгон акталган ураны бар ок-дары массалык жок кылуучу куралга кирбей турганын, ошентсе да андан радиациялык чаң чыгып, мындан улам кооптуу деп эсептелерин белгиледи. Президенттин айтымында, эгер бул ок-дары колдонула турган болсо айдоо аянттары ууланып, жергиликтүү тургундар менен айлана-чөйрө жабыркайт.Эскерте кетсек, шейшемби күнү Улуу Британиянын коргоо министри Лондон Challenger 2 танкаларына кошуп Украинанын Куралдуу күчтөрүнө акталган ураны бар ок-дары берерин жарыялаган.Мындай снаряддардан кийин ал колдонулган аймакта радиоактивдүү чаң басырылып калат, ал өтө уулуу келип, дезактивацияланбайт. Мындан тышкары, бул ок-дары онкологиялык ооруларды шартташы мүмкүн. АКШ аскер күчтөрү акталган уран камтылган снаряддарды 1991-жылкы операцияда, 1999-жылы Югославияны бомбалоодо жана 2003-жылы Иракка киргенде колдонгон.Владимир Путин мындай куралдын жеткирилишине тиешелүү жооп кайтарыларын эскертти.
https://sputnik.kg/20230326/rossiya-aktalgan-urany-bar-ok-darynyn-koldonulushuna-zhoop-kajtarat-1073895207.html
улуу британия
беларусь
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, улуу британия, "искандер", беларусь, владимир путин, өзөктүк курал
дүйнөдө, россия, улуу британия, "искандер", беларусь, владимир путин, өзөктүк курал
Россия Беларуста тактикалык өзөктүк куралын жайгаштырат
00:33 26.03.2023 (Жаңыртылды: 00:44 26.03.2023) Батыш Украинага бермекчи болгон акталган ураны бар ок-дары массалык жок кылуучу куралга кирбейт, ошентсе да андан радиациялык чаң чыгып, мындан улам кооптуу деп эсептелет.
БИШКЕК, 26-мар. — Sputnik. Москва менен Минск Беларустун аймагында тактикалык өзөктүк курал жайгаштырууну макулдашты. Бул тууралуу Россия президенти Владимир Путин "Россия 24" телеканалынын кабарчысы Павел Зарубин менен маектешип жатып айтканын
РИА Новости жазды.
"3-апрелден тарта экипажды окутууну баштайбыз. 1-июлда Беларусь аймагында жайгаша турчу тактикалык өзөктүк курал сакталуучу жайдын курулушу аяктайт", — деди Путин.
РФ лидери Россия Беларуска учактарды кайра жасап жабдып чыгууга жардам бергенин белгиледи. Мындан тышкары, Минскиге "Искандер" ракеталык комплекстери берилген. Путин курал Өзөктүк куралды жайылтпоо боюнча келишимдин талаптарын бузбастан жайгаштырыларына токтолду.
Президенттин айтымында, мындай кадамга Улуу Британиянын Украинага акталган ураны бар ок-дары берүү чечими түрткү болгон. Путин Беларусь өз аймагында россиялык өзөктүк курал жайгаштыруу өтүнүчүн буга чейин эле айтып келгенин белгиледи. Ал Москва Кошмо Штаттар он жылдап алектенип келген нерсени жасап жатканын кошумчалаган.
"Биз берип жаткан жокпуз, АКШ деле союздаштарына кармата койгон жок. Биз америкалыктар он жылдап жасап келген нерсени эле кылуудабыз. Айрым тилектеш мамлекеттеринде мындай куралы жайгашкан, аларды экипаждар даярдайт. Биз деле ошентебиз. Александр Григорьевич (Лукашенко — ред.) дал ушул тууралуу өтүндү", — деди Путин.
Өлкө башчысы Батыш Украинага бермекчи болгон акталган ураны бар ок-дары массалык жок кылуучу куралга кирбей турганын, ошентсе да андан радиациялык чаң чыгып, мындан улам кооптуу деп эсептелерин белгиледи. Президенттин айтымында, эгер бул ок-дары колдонула турган болсо айдоо аянттары ууланып, жергиликтүү тургундар менен айлана-чөйрө жабыркайт.
Эскерте кетсек, шейшемби күнү Улуу Британиянын коргоо министри Лондон Challenger 2 танкаларына кошуп Украинанын Куралдуу күчтөрүнө акталган ураны бар ок-дары берерин жарыялаган.
Мындай снаряддардан кийин ал колдонулган аймакта радиоактивдүү чаң басырылып калат, ал өтө уулуу келип, дезактивацияланбайт. Мындан тышкары, бул ок-дары онкологиялык ооруларды шартташы мүмкүн. АКШ аскер күчтөрү акталган уран камтылган снаряддарды 1991-жылкы операцияда, 1999-жылы Югославияны бомбалоодо жана 2003-жылы Иракка киргенде колдонгон.
Владимир Путин мындай куралдын жеткирилишине тиешелүү жооп кайтарыларын эскертти.
26 Жалган Куран 2023, 00:01
