Жер титирөө болорун алдын ала айтууга мүмкүнбү? Эксперт жооп берет

Жазылуу
Sputnik агенттигине берген маегинде сейсмолог, Россиянын Илимдер академиясынын Жер титирөөнү божомолдоонун теориясы жана математикалык геофизика институтунун башкы илимий кызматкери Александр Горшков жердин силкинүүсүн көп белгилерден улам баамдоого боло тургандыгына, бирок аны так, даана айтуу мүмкүн эместигине токтолду.
Эксперт жер күндө силкинип турарын, бирок анын баары байкала бербестигин айтты.
Окумуштуу дүйнөдө сейсмикалык жактан активдүү болгон жерлер көп экендигин белгилеген. Андай аймактар постсоветтик өлкөлөрдө да бар.
"Жер титирөөнүн болорун алдын ала айтууга мүмкүнбү?" деген суроону азыр планетанын ар бир жашоочусу бериши мүмкүн. Акыркы окуялардан, тагыраагы, Түркия менен Афганистандагы зилзаладан кийин кыргызстандыктардан да жердин силкинүүсүн алдын ала билүүгө мүмкүнбү, аны элге алдын ала кабарласа болобу деген суроолор көп түшө баштады.
Окумуштуудан жер титирөө болорун алдын ала айтууга мүмкүн же мүмкүн эместигин сурадык.
"Жер титирөөнү прогноздоо боюнча дүйнөнүн көп өлкөлөрүндө активдүү изилдөөлөр жасалып келет. Алардын ичинде Россияда, биздин институтта да иш жүргүзөбүз. Дароо айтып кетиш керек, божомолдун так, ишенимдүү айтылышы азырынча өтө жогору эмес. Андыктан жер титирөө боюнча ыкчам маалымдоого азырынча мүмкүнчүлүк жок. Сейсмологдор жогорку тактыкта алдын ала айта албайт", — деди Горшков.
Жаңылыктар түрмөгү
0