Жапаров Бөлтүрүк акчаны толук кайтарса абактан чыгышы мүмкүндүгүн айтты

© Пресс-служба президента КР / Султан ДосалиевКыргызстандын президенти Садыр Жапаров. Архив
Кыргызстандын президенти Садыр Жапаров. Архив - Sputnik Кыргызстан, 1920, 14.03.2023
Жазылуу
НовостиTelegram
Буга чейин Бөлтүрүктүн жубайы дарыланууга чыгарышын талап кылып ачкачылык жарыялаган.
БИШКЕК, 14-мар. – Sputnik. "Кумтөр голд компани" ишканасынын мурдагы башчысы Теңиз Бөлтүрүк жана аны менен кошо кармалгандар акчаны кайтарса абактан чыгышы мүмкүн. Бул тууралуу Садыр Жапаров "Кабар" улуттук агенттигине берген маегинде билдирди.
Ал Кумтөр иши боюнча он чакты адам камакта отурганын белгиледи.

"Камалгандардын баары чыгымды ордуна коюп коюшсун. “Бир топ сумма кайтарылды” деп бир апта мурда башкы прокурор айтып жатты эле. Толук кайтарып коюшсун. Андан кийин укук коргоо жана сот органдары үй камагына чыгаруу маселесин карашса керек. Буларды түрмөдө чирители деген эч кимдин ою жок", — деди президент.

Буга чейин Теңиз Бөлтүрүктүн ден соолугу кескин начарлаганы айтылган. Мындан улам анын жубайы дарыланууга чыгарышын талап кылып ачкачылык жарыялаган.
Белгилей кетсек, Башкы прокуратура "Кумтөр голд компани" ишканасын текшергенден кийин үч кылмыш ишин козгоп, коррупциялык схемадан улам мамлекетке 1 миллиард сом өлчөмүндө зыян келтирилгенин аныктаган. Мындан улам жетекчиси Теңиз Бөлтүрүк 13-сентябрда кармалып, учурда тергөө абагында отурат.
Андан мурда Эсеп палатасы "Кумтөр голд компани" ишканасынан финансылык алешемдиктерди таап чыккан.
Теңиз Бөлтүрүк. Архив - Sputnik Кыргызстан, 1920, 27.02.2023
Теңиз Бөлтүрүк Садыр Жапаровго кат жазып, кечирим сурады
Жаңылыктар түрмөгү
0