БУУ Түндүк Корея коё берген ракеталарынан улам жыйын өткөрөт

© Фото / POOL / Медиабанкка өтүүБүгүн БУУнун Коопсуздук кеңешинин жыйыны. Архив
Бүгүн БУУнун Коопсуздук кеңешинин жыйыны. Архив - Sputnik Кыргызстан, 1920, 20.02.2023
Жазылуу
Буга чейин Япония Бириккен Улуттар Уюмунун Коопсуздук кеңешинен Түндүк Кореянын 18 жана 20-февралда ракета учургандыгына байланыштуу жыйын өткөрүүнү суранган.
БИШКЕК, 20-фев. — Sputnik. Бүгүн БУУнун Коопсуздук кеңеши Түндүк Корея жаратып жаткан көйгөйлөр боюнча жыйын өткөрүп, ал саат 23:00дө (Москва убактысы) башталат. Бул тууралуу РИА Новости билдирди.
Буга чейин Япониянын премьер-министри Фумио Кисида Бириккен Улуттар Уюмунун Коопсуздук кеңешинен Түндүк Кореянын 18 жана 20-февралда ракета учургандыгына байланыштуу кезексиз жыйын өткөрүүнү суранган.
Түндүк Корея дүйшөмбү күнү эртең менен батыш тараптагы жээктен чыгышты көздөй эки ракета коё берген. Биринчи ракетанын учкан бийиктиги 100, узактыгы 400 чакырымды, экинчисиники 50 жана 350 чакырымды түзгөн. Эки курал тең Япониянын экономикалык аймагынан тышкары жерге түшкөн.
Аба жана сууда жүргөн техникаларга келтирилген зыян туурасында акыркы сааттарга маалымат түшкөн эмес. Түштүк Кореянын аскерлери бул өтө алыс эмес аралыкка атылган баллистикалык ракета экендигин айтышкан. Аталган курал Пхёнан-Намдо деп аталган провинциядан коё берилгени кабарланды.
Түндүк Корея Япон деңизин көздөй 600-миллиметрлүү залп менен атылуучу реактивдүү эки снарядды учурганын жана алар 395, 337 чакырымга барып түшкөнүн тастыктаган.
2023-жылдын башынан бери Түндүк Корея үч ракета коё берсе, былтыр мындай баш-аягы 37 ракета учурган.
Түндүк Кореянын желеги. Архив - Sputnik Кыргызстан, 1920, 19.02.2023
Түштүк Корея менен Япония Түндүк Кореяны өзөктүк куралдан арылтуу боюнча иштешет
Жаңылыктар түрмөгү
0