Ташиев: Оштогу операцияны УКМК ИИМ менен чогуу даярдады, пикир келишпестик жок

© Пресс-служба президента КР / Султан ДосалиевУКМК төрагасы Камчыбек Ташиев. Архив
УКМК төрагасы Камчыбек Ташиев. Архив - Sputnik Кыргызстан, 1920, 21.01.2023
Жазылуу
НовостиTelegram
Төрага жалган маалымат бергендер жоопкерчиликке тартылышы керек деп эсептей турганын кошумчалап, журналисттерди расмий маалыматтарга гана таянууга чакырды.
БИШКЕК, 21-янв. — Sputnik. Ош шаарындагы УКМКнын имаратында аталган комитеттин тергөөчүсүн кармоо операциясы ИИМ жана Башкы прокуратура менен биргеликте даярдалган. Бул тууралуу УКМК төрагасы Камчыбек Ташиев министрлер кабинетинин облус башчылары жана жергиликтүү өз алдынча башкаруу органдарынын жетекчилери менен болгон жыйында айтканын "Кабар" агенттиги жазды.
Кечээ Ош шаарындагы УКМКнын имаратында аталган комитеттин тергөөчүсүн 15 миң доллар пара алып жаткан жеринен Башкы прокуратура кармагандыгы маалымдалган болчу.
Интернет колдонуучулары атайын кызмат, ИИМ жана Башкы прокуратуранын ортосунда келишпестиктер бар, бири-биринин кызматкерлерин кармоо ошондон улам болуп жатат деген божомолдорун жазып жатышкан.
Ташиев УКМК кызматкерин кармоо боюнча атайын операция Башкы прокуратура, ИИМ жана атайын кызматтын биргелешкен даярдыгы менен ишке ашканын айтты. Ал жарандардын биринен УКМКнын тергөөчүсү ири суммада акча талап кылып жатат деген арыз жеке өзүнө келип түшкөнүн, арызды Башкы прокуратурага бергенин белгиледи.
"Биз Башкы прокуратура жана ИИМ менен биргеликте жыйын өткөрүп, андан кийин пара талап кылган делген кызматкер кармалды. Айрым аткаминерлер жана ЖМКлар бул окуя боюнча жалган маалымат таратышты. Министрлердин деңгээлиндеги кайсы аткаминер биздин арабызда келишпестиктер болуп жатат деп айтып жаткандыгы тууралуу маалыматтар бар. Келишпестиктер жок, болбойт дагы. Бардык операциялар президенттин тыкыр көзөмөлүндө өтүп жатат. Абайлагыла, бардык мамлекеттик органдар жана кызматкерлер маалыматтарды берип жатканда көзөмөлдө болушат", — деген Ташиев.
Ал жалган маалымат бергендер жоопкерчиликке тартылышы керек деп эсептей турганын кошумчалап, журналисттерди расмий маалыматтарга гана таянууга чакырды.
Улуттук коопсуздук боюнча мамлекеттик комитеттин төрагасы Камчыбек Ташиев. Архив - Sputnik Кыргызстан, 1920, 10.01.2023
Ташиевдин кечиримдүүлүк тууралуу постунда кандай сыр катылганы талкууга түштү
Жаңылыктар түрмөгү
0