Кыргызстанда ишкер 3 млн. сомго чейин кредитти пайызсыз ала алат. Шарты

© Sputnik / Жоомарт УраимовСом купюралары. Иллюстративдик сүрөт
Сом купюралары. Иллюстративдик сүрөт - Sputnik Кыргызстан, 1920, 15.12.2022
Жазылуу
Акчаны Кыргызстандагы 11 банк бере алат. Насыялар ишкерлерге үч жылга чейин берилмекчи.
БИШКЕК, 15-дек. — Sputnik. Биздин бир топ окурмандарга телефон аркылуу SMS билдирүү келген. Анда Финансы министрлиги коммерциялык банктардан пайызсыз насыя алса болорун айтканы тууралуу маалымдалган.
Кеп Кыргызстандагы 11 банк тууралуу жүрүп жатат. Алар: "Айыл банк", РСК, "Керемет банк", "Халык банк", "Доскредобанк", "Азия банкы", "ФинансКредитБанк", "Капитал банк", "Кыргызкоммерцбанк", Кыргыз-Швейцария банкы" жана "Бакай банк".
Окурмандар бул маалыматты тактап беришибизди өтүнүп кайрылган.
Финансы министрлигинин сайтында "кичи, чакан жана орто ишканаларга тез арада көрсөтүлө турган жардам" деп аталган долбоор иштей турганы маалымдалган. Анын бир нече айдан бери иштеп жатканы, бирок сентярда бир катар шарттары өзгөргөнү маалым болду.

Кыскача маалымат:

насыя үстөк пайызсыз, сом менен берилет;
акчаны мыйзам чегинде (көмүскө эмес) иш алып барган, салык, камсыздандыруу төгүмдөрү боюнча карызы жоктор ала алат;
кредиттин мөөнөтү 36 айга чейин;
каражатты иштегенине жарым жылдан ашкандар алат. Бирок айыл чарба тармагына берилбейт;
жылдык акча жүгүртүүсү 8 миллион сомго чейин жеткен ишкерлер бир миллион сомго чейин ала алышат;
жылдык акча жүгүртүүсү 30 миллион сомго чейин жеткен ишкерлер жана юридикалык тараптар үч миллион сомго чейин ала алышат.
Картошканын түшүмүн тыйноо. Архив - Sputnik Кыргызстан, 1920, 01.12.2022
Айыл чарбасын каржылоого 4,6 млрд. сом жеңилдетилген насыя берилди
Жаңылыктар түрмөгү
0