https://sputnik.kg/20221008/kajnenem-menen-kantip-zhashajm-1068773317.html
Балам жалгыз болбосо дейм, эрдин да санын көбөйткүм келбейт. Келиндин каты
Балам жалгыз болбосо дейм, эрдин да санын көбөйткүм келбейт. Келиндин каты
Sputnik Кыргызстан
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет. 08.10.2022, Sputnik Кыргызстан
2022-10-08T17:51+0600
2022-10-08T17:51+0600
2022-10-08T17:51+0600
психолог
үй-бүлө
күйөө
бала
мамиле
ата-эне
https://sputnik.kg/img/104359/36/1043593629_0:155:3067:1880_1920x0_80_0_0_8d32e04dcd67dace5363e068e5b8110a.jpg
"Психолог менен баарлашуу" рубрикасына турмушка чыкпай эле төрөп алууну каалаган аял кат жазган.Саламатсыздарбы, мен жолдошум менен ажырашып кеткем. Бир уулум бар. Бирок баламды абдан эрке өстүрүп койдум. Анткени атасы "уулум бар эле" деп бир басып келбейт. "Же атасы жок болсо" деп уулумдун ою менен болдум. Катуу сөз айтып эч урушпадым. Бирок ал тарбиясына кедергисин тийгизгендей сезилет. Азыр 5-класста окуп жатат. Негизи кийин дагы турмуш куруп, ал киши да балага мерез болгондуктан бир аз жашап эле ажырашып кеттим.Акыркы кезде жашым өтүп кете электе турмушка чыкпай эле дагы бир наристе төрөп алууну ойлонуп калдым, бирок өкүнүп калбайын деп жатам. Мурда "балаң чоңойсо өзү менен кетет, жалгыз калбай бир кыз төрөп ал" деген сөздөргө маани берчү эмесмин. Азыр ынанып калдым. Анын үстүнө бөбөктүү болсо балам өзүмчүл болбой карамдуу, кайрымдуу болор дейм. Баламдын ата жагы "биздин бала" деп издеп келген жок. Бир чети жалгыз калбасын дейм. Бирок эрдин да санын көбөйткүм келбейт. Мүнөзү, жүргөн-турганы шайдоот жакшы кесиптешим бар. Экөөбүздүн мамилебиз деле жакшы, жашыбыз тең. Корпоративдерде узатып барып жакшы сырдашып калганбыз. Ошол жигитке оюмду ачык айткым келет. Анын үй-бүлөсү бар, бирок мен андан эч нерсе талап кылбайм. Андан кийин мамилемди да уланткым келбейт. Болгону наристемдин мүнөзү атасын тартса болду. Эч кимге да айтпоого макулмун. Оюмду ачык билдирсем баш тартып койбойбу деп чочулайм. Анан да күйөөсү жок төрөп алды деп тууган-урук, кесиптештер кеп кылар. Ага да чыдайм. Бирок тиги киши сунушумду кандай кабыл алары мени ойлонтуп жатат. Мен үчүн деле бул чечим оңой болгон жок. Өтө олуттуу кадам. Кандай кылсам болот?Психолог Сажира Абдыкаимова:— Саламатсызбы. Көпкө ойлоно турган маселени козгогон экенсиз. Чечимди кабыл алыптырсыз, эми башка адамдарга айтуу гана калыптыр. Аны кабыл алуу сиз үчүн оор болсо керек. Ар кандай турмуштук жагдайларды эске алып, анан ушул чечимге келдиңиз деген ойдомун. Муну "туура" же "туура эмес" деп айта албайм. Менин тек гана сизге суроолорум бар, ошол суроолорго өз алдынча жооп берип, дагы бир жолу терең ойлонуп анан бир чечимге келиңиз. Биздин каалоо-тилектер эч кимге зыян алып келбеши абзел. Ар бир наристе үчүн эненики сыяктуу эле атанын орду да чоң.Суроолорго жооптуу кагазга жазабыз:Жогорудагы суроолорго жазуу иретинде жооп бериңиз. Менин сунушум психолог менен бул маселе боюнча иштешиңиз. Алгач өзүңүздү тааныңыз. Кандай чечим кабыл албаңыз, жети өлчөп бир кесүүгө чакырам. Ал чечим сиздики гана болушу керек. Анткени бул жерде келечекте жарык дүйнөгө келе турган бир адамдын тагдыры чечилип жатат.
https://sputnik.kg/20220924/panika-aldyrganda-psiholog-zhardamy-1068263320.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
психолог, үй-бүлө, күйөө, бала, мамиле, ата-эне
психолог, үй-бүлө, күйөө, бала, мамиле, ата-эне
Балам жалгыз болбосо дейм, эрдин да санын көбөйткүм келбейт. Келиндин каты
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.
"Психолог менен баарлашуу" рубрикасына турмушка чыкпай эле төрөп алууну каалаган аял кат жазган.
Саламатсыздарбы, мен жолдошум менен ажырашып кеткем. Бир уулум бар. Бирок баламды абдан эрке өстүрүп койдум. Анткени атасы "уулум бар эле" деп бир басып келбейт. "Же атасы жок болсо" деп уулумдун ою менен болдум. Катуу сөз айтып эч урушпадым. Бирок ал тарбиясына кедергисин тийгизгендей сезилет. Азыр 5-класста окуп жатат. Негизи кийин дагы турмуш куруп, ал киши да балага мерез болгондуктан бир аз жашап эле ажырашып кеттим.
Акыркы кезде жашым өтүп кете электе турмушка чыкпай эле дагы бир наристе төрөп алууну ойлонуп калдым, бирок өкүнүп калбайын деп жатам. Мурда "балаң чоңойсо өзү менен кетет, жалгыз калбай бир кыз төрөп ал" деген сөздөргө маани берчү эмесмин. Азыр ынанып калдым. Анын үстүнө бөбөктүү болсо балам өзүмчүл болбой карамдуу, кайрымдуу болор дейм. Баламдын ата жагы "биздин бала" деп издеп келген жок. Бир чети жалгыз калбасын дейм. Бирок эрдин да санын көбөйткүм келбейт. Мүнөзү, жүргөн-турганы шайдоот жакшы кесиптешим бар. Экөөбүздүн мамилебиз деле жакшы, жашыбыз тең. Корпоративдерде узатып барып жакшы сырдашып калганбыз. Ошол жигитке оюмду ачык айткым келет. Анын үй-бүлөсү бар, бирок мен андан эч нерсе талап кылбайм. Андан кийин мамилемди да уланткым келбейт. Болгону наристемдин мүнөзү атасын тартса болду. Эч кимге да айтпоого макулмун. Оюмду ачык билдирсем баш тартып койбойбу деп чочулайм. Анан да күйөөсү жок төрөп алды деп тууган-урук, кесиптештер кеп кылар. Ага да чыдайм. Бирок тиги киши сунушумду кандай кабыл алары мени ойлонтуп жатат. Мен үчүн деле бул чечим оңой болгон жок. Өтө олуттуу кадам. Кандай кылсам болот?
Психолог Сажира Абдыкаимова:
— Саламатсызбы. Көпкө ойлоно турган маселени козгогон экенсиз. Чечимди кабыл алыптырсыз, эми башка адамдарга айтуу гана калыптыр. Аны кабыл алуу сиз үчүн оор болсо керек. Ар кандай турмуштук жагдайларды эске алып, анан ушул чечимге келдиңиз деген ойдомун. Муну "туура" же "туура эмес" деп айта албайм. Менин тек гана сизге суроолорум бар, ошол суроолорго өз алдынча жооп берип, дагы бир жолу терең ойлонуп анан бир чечимге келиңиз. Биздин каалоо-тилектер эч кимге зыян алып келбеши абзел. Ар бир наристе үчүн эненики сыяктуу эле атанын орду да чоң.
Суроолорго жооптуу кагазга жазабыз:
1.
Эмне үчүн атасы жок, үй-бүлө курбай төрөгүңүз келип жатат?
2.
Биринчи балаңыз үчүн жолдошуңуз экөөңүз тең жоопкерчиликти алгансыздарбы?
3.
Сиз үчүн үй-бүлө, бакыт деген эмне?
4.
Ата-энеси бар үй-бүлөдө жашоо дегенди кандай элестетесиз?
5.
Балаңыздын эркелигин эмне менен ченеп жатасыз?
6.
Сиз үчүн баланын орду, мааниси?
7.
Балаңыз чоңойгондогу жашооңуз кандай болот?
8.
Кесиптешиңиздин макулдугу эле маанилүүбү?
9.
Балага ата менен эне бирдей керек экенин билесизби?
10.
Өзүңүз кандай үй-бүлөдө чоңойгонсуз? Ата-энеңиздин жашооңуздагы ордун эстеңизчи?
11.
5-класстагы бала менен чоң адамдай сүйлөшөсүзбү?
12.
Кесиптешиңизден гана төрөп алуу шартпы? Эмнеге үй-бүлө кургуңуз келбейт?
Жогорудагы суроолорго жазуу иретинде жооп бериңиз. Менин сунушум психолог менен бул маселе боюнча иштешиңиз. Алгач өзүңүздү тааныңыз. Кандай чечим кабыл албаңыз, жети өлчөп бир кесүүгө чакырам. Ал чечим сиздики гана болушу керек. Анткени бул жерде келечекте жарык дүйнөгө келе турган бир адамдын тагдыры чечилип жатат.
