Бишкекте Кыргызстан — Россия футболдук беттешине билеттер сатыла баштады

© Sputnik / Табылды КадырбековКыргызстан футбол боюнча курама командасы. Архив
Кыргызстан футбол боюнча курама командасы. Архив - Sputnik Кыргызстан, 1920, 22.09.2022
Жазылуу
Футболдук уюм билеттердин кеч сатыкка чыккан себебин да түшүндүрүп берди.
БИШКЕК, 22-сен. — Sputnik. Бишкекте Кыргызстан менен Россиянын футбол боюнча жолдоштук беттешине билеттер сатыла баштады. Бул тууралуу Кыргыз футбол союзу (КФС) билдирди.
Чыгыш трибунадан орун алуу үчүн билетти 700 сомго сатып алууга болот, ылдыйкы катарларында орун 800, ал эми жогоркусундагы орундарга 1000 сомдон сатылууда.
Билеттерди Dordoi Plaza, Vefa соода борборлорунан, Дөлөн Өмүрзаков атындагы стадиондун кассасынан жана Юнусалиев, 40а дарегинде жайгашкан кеңседен сатып алууга болот.
КФС электрондук билеттерди ticket.kg сайтынан да алууга болорун билдирип, билеттердин саттыкка кеч чыгышын жана мелдеш тууралуу кеч айтылган себебин да түшүндүрүп берди. Союздун айтымында, оюнду чек арадагы кырдаалдан улам башка убакытка жылдыруу жагы да каралган. Экинчиси — "эл аралык макулдашуулар боюнча юридикалык маселелердин чечилиши" дешти.
Оюн Дөлөн Өмүрзаков атындагы стадиондо 24-сентябрда өтүп, саат 20:00дө башталат.
Футбол калысы. Архив - Sputnik Кыргызстан, 1920, 22.09.2022
Футбол калысы болгуң келеби? Акысыз окуу курсу башталды
Жаңылыктар түрмөгү
0