Кыргызстандык жаш футболчулар Азия кубогуна жолдомо алып, жеңишин Баткенге арнады

© Фото / пресс-служба КФСКыргызстандын футбол боюнча жаштар курамасы (U-20)
Кыргызстандын футбол боюнча жаштар курамасы (U-20) - Sputnik Кыргызстан, 1920, 19.09.2022
Жазылуу
НовостиTelegram
Азия чемпионаты келерки жылы Өзбекстанда өтөт.
БИШКЕК, 19-сен. — Sputnik. Кыргызстандын футбол боюнча жаштар курамасы (U-20) Азия кубогунун финалына чыкты. Бул тууралуу Кыргызстандын футбол союзу билдирди.
Кечээ Бишкекте Азия чемпионатынын тандоо турунун J тайпасынын оюндары өттү. Анда улуттук курама команда Брунейдин футболчулары менен беттешти.
Кыргызстандык футболчулар атаандаштарын жеңип (6:0), алты упай менен тайпада экинчи орунду ээледи. Башка тайпалардагы оюндардын жыйынтыгы менен Кыргызстандын курама командасы Азия кубогуна 2-орундан тандалып алынган алдыңкы беш өлкөнүн катарына кирди.
Кыргызстандын футбол союзунан билдиргендей, жаш футболчулар жеңишин жана Азия кубогуна жолдомосун Баткенге арнашты.
Азия чемпионатынын финалдык бөлүгү келерки жылы Өзбекстанда өтөт.
Кыргызстан футбол боюнча курама командасы. Архив - Sputnik Кыргызстан, 1920, 07.09.2022
Кыргызстан менен Россиянын футболчулары жолдоштук беттеш өткөрөт
Жаңылыктар түрмөгү
0