Радиостудия Sputnik Кыргызстан в Бишкеке - Sputnik Кыргызстан, 1920
Радио

Эшатов: РФ менен келишим бар үчүн күйүүчү майдын баасы коңшулардан арзан

© SputnikНефтетрейдерлер ассоциациясынын директору Канатбек Эшатов. Архив
Нефтетрейдерлер ассоциациясынын директору Канатбек Эшатов. Архив - Sputnik Кыргызстан, 1920, 12.09.2022
Жазылуу
Нефтетрейдерлер ассоциациясынын директору Канатбек Эшатов өлкөдө күйүүчү майга болгон баанын жогорулап жаткан себептерин түшүндүрүп берди.
Россия менен өкмөт аралык келишимге ылайык, күйүүчү май Кыргызстанга пошлинасыз алып келинет. Ошондуктан өлкөдө күйүүчү май кошуналарга салыштырмалуу арзан. Бул тууралуу Канатбек Эшатов Sputnik Кыргызстан радиосуна маек куруп жатып билдирди.
Эшатов: РФ менен келишим бар үчүн күйүүчү майдын баасы коңшулардан арзан
Анын айтымында, мунай затка болгон баа дүйнөлүк тенденциядан көз каранды.
"Мунайга болгон баанын жогорулашы — 2020-жылдан бери келе жаткан дүйнөлүк тенденция. Кыргызстан бул багытта импорттон көз каранды болгондуктан өлкөдө дагы күйүүчү май кымбаттоодо. Соңку убакта дизелдин кымбатташына бир нече себеп бар. Маселен, Кыргызстан күйүүчү майдын 95 пайызын Россиядан алып келет. Ал эми аталган өлкөдө дизелдин таңсыктыгы байкалууда. Себеби алардын үч ири заводу профилактикалык оңдоп-түзөө иштерин жүргүзүүдө. Анткени чет өлкөлөрдөн жабдууларын санкциядан улам алып келе албай калышты. Мындан улам завод жабдууларын жергиликтүүгө алмаштырууда. Ошол эле мезгилде дизелге болгон суроо-талап өсүп, анын баасы бир убакта 300 долларга жогорулады. Муну биздин баа менен карасак, литрине 18 сомду түзмөк, бирок Кыргызстандын нефтрейдерлери социалдык багытты карап иштешет. Ошондуктан кескин түрдө баанын көтөрүлүшүнө жол берилбей жатат. Мындан тышкары, өкмөт ири эки компанияга кыска мөөнөттүү насыя берип, алар ички корду эки айга чейин жогорулатты. Ошонун эсебинен баа кескин секирик жасабай акырындан өсүп жатат. Баалар дүйнөлүк рынокко карап мындан ары да өсө бериши ыктымал. Болгону Россия менен Кыргызстандын өкмөттөрүнүн ортосундагы келишимге ылайык, жергиликтүү нефтрейдерлер мунай азыктарын пошлинасыз алып келет. Ошондуктан Кыргызстанда коңшу өлкөлөргө салыштырмалуу баа арзан. Мисалы, АИ 92 үлгүсүндөгү бензин Кыргызстанга караганда Өзбекстанда 20, Тажиккастанда 25 сомго кымбат болууда. Ал эми дизель отуну Өзбекстанда 100, Тажикстанда 105 сомдон сатылууда. Кыргызстанда азырынча 74 сомдун тегерегинде болуп жатат", — деди Эшатов.
Ошондой эле күзгү талаа иштерине байланыштуу Казакстан дизелди Россиядан сатып ала баштаганы да бул абалга таасирин тийгизип жатканын кошумчалады.
Жаңылыктар түрмөгү
0