Жапаров: ЕАЭБ менен КМШнын ишкердик көпүрөсүн курууга потенциалы чоң

© Фото / пресс-служба кабинета министров КР / Эргеш ЖусубалиевМинистрлер кабинетинин төрагасы Акылбек Жапаров
Министрлер кабинетинин төрагасы Акылбек Жапаров - Sputnik Кыргызстан, 1920, 25.08.2022
Жазылуу
Кыргызстан быйыл ЕАЭБдин төрагасы катары мезгил талап кылып жаткан иштерди күчөтүү боюнча маанилүү багыттарды сунуштаган.
ЧОЛПОН-АТА, 25-авг. — Sputnik. ЕАЭБ жана КМШ өлкөлөрүндө ишкердик көпүрөсүн курууга чоң потенциал бар. Бул туурасында министрлер кабинетинин төрагасы Акылбек Жапаров биринчи Жаштар форумунун ачылышында билдирди.
"Урматтуу форумдун катышуучулары, силер дал ошондой көпүрө болуп турушуңуздар керек. Бүгүнкү кезде дүйнөлүк геосаясатта жана экономикада масштабдуу өзгөрүүлөр болуп жатат. Заманбап чакырыктардын жана коркунучтардын мизин кайтаруу бир муштумга биригип чечим чыгарууну талап кылат. Жаштар форуму жаш ишкерлер коомчулугун туруктуу өнүктүрүүдө заманга жараша жаралган көйгөйлөрдүн түйүнүн чечүү үчүн ЕАЭБ жана КМШ өлкөлөрүндө өз ара иштешүүнүн чыныгы механизми болуп берет", — деди Жапаров.
Ошондой эле ал Кыргызстан быйыл ЕАЭБдин төрагасы катары мезгил талап кылып жаткан иштерди күчөтүү боюнча маанилүү багыттарды маалымдаганын эске салды. Алар төмөнкүлөр:
ЕАЭБдин төрт принцибинин эркин аткарылышын жүзөгө ашыруу;
барьерлерди жоюу жана анын улам кайталана беришине каршы күрөшүү;
азык-түлүк коопсуздугун камсыздоо;
инфраструктуралык долбоорлордун очогун түзүү;
эки уюмдун интеграциялык потенциалын жогорулатуу максатында ЕАЭБ менен КМШнын жумушчу органдары ортосундагы өз ара иштешүүнүн күчөтүү.
Бүгүн Чолпон-Ата шаарындагы "Рух-Ордо" маданий борборунда ЕАЭБ жана КМШ өлкөлөрүнүн "Келечек" деп аталган биринчи Жаштар форуму өтүп жатат. Ага Армения, Беларусь, Казакстан, Кыргызстан, Россия жана Өзбекстандан 250дөн ашуун делегат катышууда. Жаш ишкерлер, мамлекеттик кызматкерлер, дипломаттар, креативдүү жаштар жана студенттер кызматташтыкты андан ары өнүктүрүү жана Евразия интеграциясын жайылтуу идеяларын талкуулашат.
Иш-чара Евразия өкмөттөр аралык кеңешинин жыйыны менен катарлаш өтүүдө. Биринчи Жаштар форуму Кыргызстандын президенти Садыр Жапаров тарабынан демилгеленген.
Sputnik Кыргызстан маалымат агенттиги жана радиосу форумдун расмий медиаөнөктөшү болду.
Министрлер кабинетинин төрагасы Акылбек Жапаров. Архив - Sputnik Кыргызстан, 1920, 25.08.2022
Акылбек Жапаров: жаштар — Евразия интеграциясынын жаңы вектору
Жаңылыктар түрмөгү
0