Чуңкурчакта 20дан ашуун өлкөнүн жаачылары катышкан мелдеш өтөт

© Sputnik / Табылды КадырбековЖаачы кыз Чункурчак жайлоосунда. Архивдик сүрөт
Жаачы кыз Чункурчак жайлоосунда. Архивдик сүрөт - Sputnik Кыргызстан, 1920, 24.08.2022
Жазылуу
Турнирдин ачылыш аземи 29-августта саат 12:00дө башталып, жаачылар улуттук кийим кийип параддан өтүшөт.
БИШКЕК, 24-авг. — Sputnik. Чуңкурчак жайлоосунда 20дан ашуун өлкөнүн жаачылары катышкан эл аралык мелдеш өтөт. Бул туурасында Салбуурун федерациясынан билдиришти.
Аталган турнир Байтик баатырдын 200 жылдыгына, эгемендүүлүк күнүнө карата Спорттун улуттук түрлөрү боюнча дирекциясы менен биргеликте уюштурулууда. Жаачылардын эл аралык мелдеши былтыр алгач ирет өтүп, 12 мамлекеттен келишкен. Ал эми быйыл Казакстан, Өзбекстан, Түркия, Малайзия, Сингапур, Россия, Венгрия, АКШ, Германия, Франция, Испания жана Индонезия сыяктуу мамлекеттерден 120 жаачы катышары күтүлүүдө. Алар эркектер, кыз-келиндер категорияларына бөлүнүп, жөө жана ат үстүндө жаа атуу боюнча мелдешет.
Турнирдин ачылыш аземи 29-августта саат 12:00дө башталып, жаачылар параддан улуттук кийимчен өтүшөт. Финалдык оюндар 31-августка белгиленген.
Ошондой эле бүркүт салуу, куш салуу жана тайган жарыш оюндары менен коштолот.
Салбуурун федерациясы кыргызстандыктарды жана башка конокторду жагымдуу атмосферада эс алып кетүүгө чакырды.
Ат чабыш. Архивдик сүрөт - Sputnik Кыргызстан, 1920, 17.08.2022
Байтик баатырдын 200 жылдыгына карата ат чабыш өтүп, байгеге батир коюлат
Жаңылыктар түрмөгү
0