Керемет! Москвадагы фейерверк фестивалында КР командасы өнөрүн көрсөттү. Видео

© Sputnik / Алексей Куденко / Медиабанкка өтүү"Ростех" эл аралык фейерверк фестивалы
Ростех эл аралык фейерверк фестивалы - Sputnik Кыргызстан, 1920, 14.08.2022
Жазылуу
Фестивалда сегиз өлкөнүн командалары катышып жатат. Мелдештин жыйынтыгы бүгүн чыгат.
БИШКЕК, 14-авг. — Sputnik. Кыргызстандын "ПироМаг" командасы Москвада өтүп жаткан "Ростех" эл аралык фейерверк фестивалында өз өнөрүн көрсөтүүдө. Бул тууралуу иш-чаранын сайтында кабарланды.
Фестиваль Братеевский каскады паркында өтүүдө. Бул жолу элдик чыгармачылыкка жана материалдык эмес маданий мурастарга арналган иш-чарада мыкты деген наам үчүн сегиз өлкөнүн командалары ат салышып жатат.
Кыргызстандын катышуучулары бир күн мурда Сербия, Россия жана Мексиканын командалары менен биргеликте өнөрүн көрсөттү. Шоу учурунда ырчы Омардын "Кыргызстаным" жана Мирбек Атабековдун "Мурас" чыгармасы жаңырып турду.
Бүгүн кечинде калган төрт команда — Аргентина, Бразилия, Кытай жана Пакистан чыгат. Андан соң мелдештин жыйынтыгы чыгарылат.
"ПироМаг" командасы эл аралык фейерверк фестивалдарына активдүү катышып келет. "Оттун фантазиясын мыкты чагылдырганы үчүн" сыйлыгынын жана "Зажигаем звезды" IV Эл аралык фейерверк фестивалынын күмүш медалынын ээси.
Кыргызстандын аскер кызматчыларынын танкасы - Sputnik Кыргызстан, 1920, 14.08.2022
Кыргызстан Танк биатлонунда Россия, Кытай, Беларусь менен жарышты. Видео
Жаңылыктар түрмөгү
0