https://sputnik.kg/20220812/nebenzya-batysh-aehs-tuuraluu-1066710786.html
Небензя: АЭСтеги катастрофанын масштабын элестетүү кыйын, Киев эсине келсин!
Небензя: АЭСтеги катастрофанын масштабын элестетүү кыйын, Киев эсине келсин!
Sputnik Кыргызстан
Дипломаттын айтымында, Запорожье атомдук электр станциясында катастрофа боло турган болсо, жоопкерчилик толугу менен Киевдин батыштык колдоочуларына жүктөлөт. 12.08.2022, Sputnik Кыргызстан
2022-08-12T10:29+0600
2022-08-12T10:29+0600
2022-08-12T16:13+0600
россиянын донбассты коргоо боюнча атайын операциясы
дүйнөдө
россия
украина
батыш
запорожье облусу
атомдук электр станциясы
василий небензя
буу
запорожье атомдук электр станциясы
https://sputnik.kg/img/07e6/08/0c/1066709198_0:160:3073:1888_1920x0_80_0_0_26721ba5577642acdafb546e4ce2b8bc.jpg
БИШКЕК, 12-авг. — Sputnik. Киевдин өзөктүк объектилерге жасаган соккусу масштабы жагынан дүйнөнү Чернобылдагыдай кыйроонун босогосуна түртүп жатат. Бул тууралуу Россиянын БУУдагы өкүлү Василий Небензяга шилтеме берип РИА Новости жазды.Анын айтымында, Запорожье атомдук электр станциясында катастрофа боло турган болсо, жоопкерчилик толугу менен Киевдин батыштык колдоочуларына жүктөлөт.Кол салууларды токтотууРоссия дипломаты Киев режимин колдогон өлкөлөрдү Украинаны АЭСке чабуулду токтотууга чакырып, Атомдук энергия боюнча эл аралык агенттиктин (МАГАТЭ) миссиясынын иши үчүн коопсуз шарттарды түзүүгө үндөдү.Анын айтымында, бул Европадагы ири радиациялык катастрофаны алдын алуунун бирден-бир жолу."Украинанын Куралдуу күчтөрүнүн чабуулу улана берсе, кырсык болушу мүмкүн. Андан кийин Киев, Запорожье, Харьков, Полтава, Херсон, Одесса, Николаев, Кировоград, Винница облустарынын аймактары, Донецк жана Луганск элдик республикалары, чек ара аймактары радиоактивдүү булгануу коркунучуна кептелет. Россия менен Беларусь, ошондой эле Молдова, Болгария жана Румыния жабыркайт. Өкүнүчтүүсү — бул эң оптимисттик божомолдор", — деп эскертти Небензя.Жөнсүз айыптоолорНебензя Киевдин АЭСке кол салуу боюнча Россияны айыптоосун акылга сыйгыс деп атады.Мындан тышкары, ал станция Россия аскерлеринин аркасы менен сакталып турганын, эгер алар чыгып кетсе, Киев АЭСти провокациялар үчүн колдонорун кошумчалады.Анын айтымында, россиялык аскерлер Запорожье атомдук электр станциясын коргоп, Киев режиминин бул объектиге жасаган чабуулдарынын мизин кайтарууда.МАГАТЭнин сапарына үмүтРоссия МАГАТЭнин адистеринин АЭСке сапары жакынкы аралыкта болот деп үмүттөнүп, бул процесске максималдуу жардам көрсөтүүгө даяр экенин айтып келет.Небензя азыркы шартта БУУнун Башкы катчысы "өзүнүн жоопкерчилигин толук түшүнөт" жана ага жооптуу ведомстволор аркылуу бул миссияны өткөрүүгө тоскоолдук кылбайт деген ишенимин билдирди."Биз өз тарабыбыздан бардык уюштуруу маселелерин чечүүдө колдон келген жардамды беребиз. МАГАТЭнин өкүлдөрүнүн станцияга мүмкүн болушунча тезирээк, балким, августтун аягына чейин келишин негиздүү деп эсептейбиз", — деди ал.ТарыхыРоссиянын Украинадагы атайын операциясы башталгандан бери украин аскерлери АЭСтин аймагына бир нече жолу чабуул жасоо аракетин көрүшкөн. Артиллериялык бир катар чабуулдун натыйжасында өрт чыгып, энергоблоктордун иштөөсү үчүн зарыл болгон эки электр чубалгысы үзүлгөн. Анда №3 станция ишин токтотуп, №4 энергоблоктун генерацияланган кубаттуулугу кыскарган.Запорожье АЭСи Днепрдин сол жээгинде, Энергодар шаарына жакын жерде жайгашкан. Бул блоктордун саны жана орнотулган кубаттуулугу боюнча Европадагы эң ири атомдук электр станция болуп эсептелет. 1984-1987-жылдары алгачкы төрт энергоблок, 1989-жылы бешинчи, 1996-жылы алтынчысы ишке киргизилген.Ал март айынан бери орус аскерлери тарабынан кайтарылып келген. Россиянын Тышкы иштер министрлиги бул кадамды өзөктүк жана радиоактивдүү материалдардын агып кетүүсүнө жол бербөө үчүн жасалды деп түшүндүргөн.Анткен менен станция украиналык оператор тарабынан көзөмөлдөнүп жатат.
https://sputnik.kg/20220810/moskva-zaporozhe-aehs-buu-zhyjynga-chakyrdy-1066659650.html
украина
батыш
запорожье облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, украина, батыш, запорожье облусу, атомдук электр станциясы, василий небензя, буу, запорожье атомдук электр станциясы
дүйнөдө, россия, украина, батыш, запорожье облусу, атомдук электр станциясы, василий небензя, буу, запорожье атомдук электр станциясы
Небензя: АЭСтеги катастрофанын масштабын элестетүү кыйын, Киев эсине келсин!
10:29 12.08.2022 (Жаңыртылды: 16:13 12.08.2022) Дипломаттын айтымында, Запорожье атомдук электр станциясында катастрофа боло турган болсо, жоопкерчилик толугу менен Киевдин батыштык колдоочуларына жүктөлөт.
БИШКЕК, 12-авг. — Sputnik. Киевдин өзөктүк объектилерге жасаган соккусу масштабы жагынан дүйнөнү Чернобылдагыдай кыйроонун босогосуна түртүп жатат. Бул тууралуу Россиянын БУУдагы өкүлү Василий Небензяга шилтеме берип
РИА Новости жазды.
Анын айтымында, Запорожье атомдук электр станциясында катастрофа боло турган болсо, жоопкерчилик толугу менен Киевдин батыштык колдоочуларына жүктөлөт.
"ЗАЭСтеги өзөктүк катастрофанын чыныгы масштабын элестетүү кыйын. Ага карабай Украинанын Куралдуу күчтөрү акыркы күндөрү станцияны кайра-кайра аткылап жатат", — деди Небензя.
Россия дипломаты Киев режимин колдогон өлкөлөрдү Украинаны АЭСке чабуулду токтотууга чакырып, Атомдук энергия боюнча эл аралык агенттиктин (МАГАТЭ) миссиясынын иши үчүн коопсуз шарттарды түзүүгө үндөдү.
Анын айтымында, бул Европадагы ири радиациялык катастрофаны алдын алуунун бирден-бир жолу.
"Украинанын Куралдуу күчтөрүнүн чабуулу улана берсе, кырсык болушу мүмкүн. Андан кийин Киев, Запорожье, Харьков, Полтава, Херсон, Одесса, Николаев, Кировоград, Винница облустарынын аймактары, Донецк жана Луганск элдик республикалары, чек ара аймактары радиоактивдүү булгануу коркунучуна кептелет. Россия менен Беларусь, ошондой эле Молдова, Болгария жана Румыния жабыркайт. Өкүнүчтүүсү — бул эң оптимисттик божомолдор", — деп эскертти Небензя.
Небензя Киевдин АЭСке кол салуу боюнча Россияны айыптоосун акылга сыйгыс деп атады.
"Бул пропагандалык коркутуулар Батыш ЖМКларында көтөрүлүп жатат. Мунун баары акылга сыйбай турган нерсе. Анткени станция Россиянын куралдуу күчтөрү тарабынан көзөмөлдөнөт", — деди дипломат.
Мындан тышкары, ал станция Россия аскерлеринин аркасы менен сакталып турганын, эгер алар чыгып кетсе, Киев АЭСти провокациялар үчүн колдонорун кошумчалады.
Анын айтымында, россиялык аскерлер Запорожье атомдук электр станциясын коргоп, Киев режиминин бул объектиге жасаган чабуулдарынын мизин кайтарууда.
Россия МАГАТЭнин адистеринин АЭСке сапары жакынкы аралыкта болот деп үмүттөнүп, бул процесске максималдуу жардам көрсөтүүгө даяр экенин айтып келет.
Небензя азыркы шартта БУУнун Башкы катчысы "өзүнүн жоопкерчилигин толук түшүнөт" жана ага жооптуу ведомстволор аркылуу бул миссияны өткөрүүгө тоскоолдук кылбайт деген ишенимин билдирди.
"Биз өз тарабыбыздан бардык уюштуруу маселелерин чечүүдө колдон келген жардамды беребиз. МАГАТЭнин өкүлдөрүнүн станцияга мүмкүн болушунча тезирээк, балким, августтун аягына чейин келишин негиздүү деп эсептейбиз", — деди ал.
Россиянын Украинадагы атайын операциясы башталгандан бери украин аскерлери АЭСтин аймагына бир нече жолу чабуул жасоо аракетин көрүшкөн. Артиллериялык бир катар чабуулдун натыйжасында өрт чыгып, энергоблоктордун иштөөсү үчүн зарыл болгон эки электр чубалгысы үзүлгөн. Анда №3 станция ишин токтотуп, №4 энергоблоктун генерацияланган кубаттуулугу кыскарган.
Запорожье АЭСи Днепрдин сол жээгинде, Энергодар шаарына жакын жерде жайгашкан. Бул блоктордун саны жана орнотулган кубаттуулугу боюнча Европадагы эң ири атомдук электр станция болуп эсептелет. 1984-1987-жылдары алгачкы төрт энергоблок, 1989-жылы бешинчи, 1996-жылы алтынчысы ишке киргизилген.
Ал март айынан бери орус аскерлери тарабынан кайтарылып келген. Россиянын Тышкы иштер министрлиги бул кадамды өзөктүк жана радиоактивдүү материалдардын агып кетүүсүнө жол бербөө үчүн жасалды деп түшүндүргөн.
Анткен менен станция украиналык оператор тарабынан көзөмөлдөнүп жатат.
