https://sputnik.kg/20220810/moskva-zaporozhe-aehs-buu-zhyjynga-chakyrdy-1066659650.html
Аткыланган Запорожье АЭСи. Москва БУУнун Коопсуздук кеңешин жыйынга чакырды
Аткыланган Запорожье АЭСи. Москва БУУнун Коопсуздук кеңешин жыйынга чакырды
Sputnik Кыргызстан
Запорожье АЭСи Днепрдин сол жээгинде, Энергодар шаарына жакын жерде жайгашкан. Блоктордун саны жана кубаттуулугу боюнча Европадагы эң ири атомдук электр... 10.08.2022, Sputnik Кыргызстан
2022-08-10T10:32+0600
2022-08-10T10:32+0600
2022-08-10T10:32+0600
россиянын донбассты коргоо боюнча атайын операциясы
дүйнөдө
украина
россия
аэс
коопсуздук
чабуул
буу
https://sputnik.kg/img/07e6/08/0a/1066657148_0:0:3072:1728_1920x0_80_0_0_b00e32c43344f22cd055e66571db90a2.jpg
БИШКЕК, 10-авг. — Sputnik. Киевдин Запорожье атомдук электр станциясына болгон чабуулунан улам Россия БУУнун Коопсуздук кеңешин жыйынга чогулууга чакырды. Бул тууралуу РИА Новости жазды.Буга чейин эле Гросси тынчсыздануусун билдирип, АЭСти аткылоону токтотууга чакырган. Ал ошондой эле МАГАТЭнин эксперттеринин атомдук электр станцияларындагы коопсуздук, коргоо жана кепилдиктер боюнча миссиясын жетектөөгө даяр экенин билдирген. Москва өз кезегинде бул сапарды уюштурууга көмөк көрсөтүүнү сунуштаган.Ал эми Россиянын Тышкы иштер министрлигинин Курал-жарактарды жайылтпоо жана көзөмөлдөө департаментинин директорунун орун басары Игорь Вышневецкий Киев станцияда көйгөйлөрдү жаратуу үчүн кызматкерлерин коркутуп-үркүтүүгө аракет кылып жатканын айтты."Украина тарап Запорожье атомдук электр станциясын Россиянын Куралдуу күчтөрү аткылап жатат деген акылга сыйгыс айыптарды коюп жатат. Анда эмнеге россиялык аскерлер ал жерди көптөн бери көзөмөлдөп, кайтарып жатат деген суроого жооп бере алышпайт. Украин тарап ачыктан-ачык террорчулук менен алектенүүдө. Алар Запорожье АЭСин гана эмес, аны тейлеген кызматкерлер жашаган Энергодар шаарын да аткылап жатышат. Ал жердеги адамдарды коркутуп-үркүткүсү келгени көрүнүп турат", — деп айтты Вишневецкий.Ошол эле учурда БУУнун башкы катчысынын расмий өкүлү Стефан Дюжаррик брифинг өткөрүп, МАГАТЭнин эксперттери Запорожье АЭСине барышы үчүн бардык күч-аракетин жумшап жатканын айтты.ТарыхыРоссиянын Украинадагы атайын операциясы башталгандан бери украин аскерлери АЭСтин аймагына бир нече жолу чабуул жасоо аракетин көрүшкөн. Артиллериялык бир катар чабуулдун натыйжасында өрт чыгып, энергоблоктордун иштөөсү үчүн зарыл болгон эки электр чубалгысы үзүлгөн. Анда №3 станция ишин токтотуп, №4 энергоблоктун генерацияланган кубаттуулугу кыскарган.Запорожье АЭСи Днепрдин сол жээгинде, Энергодар шаарына жакын жерде жайгашкан. Бул блоктордун саны жана орнотулган кубаттуулугу боюнча Европадагы эң ири атомдук электр станция болуп эсептелет. 1984-1987-жылдары алгачкы төрт энергоблок, 1989-жылы бешинчи, 1996-жылы алтынчысы ишке киргизилген.Ал март айынан бери орус аскерлери тарабынан кайтарылып келген. Россиянын Тышкы иштер министрлиги бул кадамды өзөктүк жана радиоактивдүү материалдардын агып кетүүсүнө жол бербөө үчүн жасалды деп түшүндүргөн.Анткен менен станция украиналык оператор тарабынан көзөмөлдөнүп жатат.
https://sputnik.kg/20220809/kiev-aehs-atkyloo-evropa-1066634672.html
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, россия, аэс, коопсуздук, чабуул, буу
дүйнөдө, украина, россия, аэс, коопсуздук, чабуул, буу
Аткыланган Запорожье АЭСи. Москва БУУнун Коопсуздук кеңешин жыйынга чакырды
Запорожье АЭСи Днепрдин сол жээгинде, Энергодар шаарына жакын жерде жайгашкан. Блоктордун саны жана кубаттуулугу боюнча Европадагы эң ири атомдук электр станция болуп эсептелет.
БИШКЕК, 10-авг. — Sputnik. Киевдин Запорожье атомдук электр станциясына болгон чабуулунан улам Россия БУУнун Коопсуздук кеңешин жыйынга чогулууга чакырды. Бул тууралуу
РИА Новости жазды.
"Россия Украинанын аталган АЭСке жасаган чабуулун жана анын мүмкүн болуучу катастрофалык кесепеттерине байланыштуу БУУнун Коопсуздук кеңешинин жыйынын 11-августта түштөн кийин өткөрүүнү суранды. Анда Москва Атомдук энергия боюнча эл аралык агенттиктин (МАГАТЭ) башкы директору Рафаэль Гроссини спикер катары көргүсү келет", — деп айтылат маалыматта.
Буга чейин эле Гросси тынчсыздануусун билдирип, АЭСти аткылоону токтотууга чакырган. Ал ошондой эле МАГАТЭнин эксперттеринин атомдук электр станцияларындагы коопсуздук, коргоо жана кепилдиктер боюнча миссиясын жетектөөгө даяр экенин билдирген. Москва өз кезегинде бул сапарды уюштурууга көмөк көрсөтүүнү сунуштаган.
Ал эми Россиянын Тышкы иштер министрлигинин Курал-жарактарды жайылтпоо жана көзөмөлдөө департаментинин директорунун орун басары Игорь Вышневецкий Киев станцияда көйгөйлөрдү жаратуу үчүн кызматкерлерин коркутуп-үркүтүүгө
аракет кылып жатканын айтты.
"Украина тарап Запорожье атомдук электр станциясын Россиянын Куралдуу күчтөрү аткылап жатат деген акылга сыйгыс айыптарды коюп жатат. Анда эмнеге россиялык аскерлер ал жерди көптөн бери көзөмөлдөп, кайтарып жатат деген суроого жооп бере алышпайт. Украин тарап ачыктан-ачык террорчулук менен алектенүүдө. Алар Запорожье АЭСин гана эмес, аны тейлеген кызматкерлер жашаган Энергодар шаарын да аткылап жатышат. Ал жердеги адамдарды коркутуп-үркүткүсү келгени көрүнүп турат", — деп айтты Вишневецкий.
Ошол эле учурда БУУнун башкы катчысынын расмий өкүлү Стефан Дюжаррик брифинг өткөрүп, МАГАТЭнин эксперттери Запорожье АЭСине барышы үчүн бардык күч-аракетин жумшап жатканын айтты.
"Биз агенттиктин техникалык кызматкерлерин Запорожьеге жеткирүү үчүн колдон келгендин баарын кылууга даярбыз", — деди Дюжаррик.
Россиянын Украинадагы атайын операциясы башталгандан бери украин аскерлери АЭСтин аймагына бир нече жолу чабуул жасоо аракетин көрүшкөн. Артиллериялык бир катар чабуулдун натыйжасында өрт чыгып, энергоблоктордун иштөөсү үчүн зарыл болгон эки электр чубалгысы үзүлгөн. Анда №3 станция ишин токтотуп, №4 энергоблоктун генерацияланган кубаттуулугу кыскарган.
Запорожье АЭСи Днепрдин сол жээгинде, Энергодар шаарына жакын жерде жайгашкан. Бул блоктордун саны жана орнотулган кубаттуулугу боюнча Европадагы эң ири атомдук электр станция болуп эсептелет. 1984-1987-жылдары алгачкы төрт энергоблок, 1989-жылы бешинчи, 1996-жылы алтынчысы ишке киргизилген.
Ал март айынан бери орус аскерлери тарабынан кайтарылып келген. Россиянын Тышкы иштер министрлиги бул кадамды өзөктүк жана радиоактивдүү материалдардын агып кетүүсүнө жол бербөө үчүн жасалды деп түшүндүргөн.
Анткен менен станция украиналык оператор тарабынан көзөмөлдөнүп жатат.
