Кадамжайда умрага жөнөтөм деп элди 1,5 млн. сомго алдап кеткен аял кармалды

© Sputnik / Жоомарт УраимовАкча кармаган аял. Архивдик сурөт
Акча кармаган аял. Архивдик сурөт - Sputnik Кыргызстан, 1920, 10.08.2022
Жазылуу
НовостиTelegram
Тергөөдө алдамчылыкка шектелген аял 20 адамдын ар биринен 75 000 сомдон акча алганы аныкталган.
БИШКЕК, 10-авг. — Sputnik. Кадамжай районунда кичи ажылык сапарына жөнөтөм деп адамдардын тобунан 1,5 миллион сом акча алган аял кармалды. Бул туурасында Баткен облустук милициясы билдирди.
© пресс-служба УВД Баткенской областиАлдамчылыкка шектелген аял
Мошенничество в Баткене - Sputnik Кыргызстан, 1920, 10.08.2022
Алдамчылыкка шектелген аял
Маалыматка караганда, шектүү аял акча алып, бирок зыяратты уюштурбай алдап жүрөт деген таризде милицияга 16 арыз түшкөн.
"Ыкчам иликтөө иш-чарасынын негизинде 9-августта эч жерде иштебеген 39 жаштагы А.Б. аттуу аял Ош шаарында жүргөн жеринен кармалды. Ал Кадамжай районундагы Орозбеков айылынын тургуну болгон. Тергөөнүн жүрүшүндө шектүү 20 адамдын ар биринен 75 000 сомдон акча алганы ырасталды. Кармалган жаран убактылуу кармоочу жайга киргизилген", — деп айтылат маалыматта.
Милиция кимдир бирөө кармалган аялга акчасын алдатып жиберген болсо Кадамжай РИИБине кайрылууга чакырат.
Учурда бул иш Кылмыш-жаза кодексинин 209-беренесинин ("Алдамчылык") негизинде катталып, сотко чейинки өндүрүш жүрүп жатат.
Сом купюралары. Иллюстративдик сүрөт - Sputnik Кыргызстан, 1920, 01.08.2022
УКМК Баткенде мыйзамсыз лотерея өткөргөндөрдү аныктады
Жаңылыктар түрмөгү
0