Россия: АКШ Украинадагы абалдан пайдаланып космоско курал жайгаштырышы мүмкүн

© Photo / NASA Эл аралык космос станциясы Тынч океандын жана Сан-Франциско булуңунун үстүндө. Архив
Эл аралык космос станциясы Тынч океандын жана Сан-Франциско булуңунун үстүндө. Архив - Sputnik Кыргызстан, 1920, 06.08.2022
Жазылуу
Yandex newsTelegram
АКШ жана анын союздаштары аскердик пландарын кургактыкта, деңизде жана абада гана эмес, космосто да ишке ашырууну каалап жатканы айтылды.
БИШКЕК, 6-авг. — Sputnik. АКШ Украинадагы кырдаалды аскердик-космос чөйрөсүндөгү өзүнүн пландарын ишке ашыруу үчүн пайдаланып, космоско курал-жарак жайгаштырышы мүмкүн. Бул тууралуу Өзөктүк куралды таркатпоо жөнүндөгү келишим боюнча талкууда Россия делегациясынын башчысынын орун басары Андрей Белоусов билдиргенин РИА Новости жазды.
"АКШ жана анын союздаштары өздөрүнүн аскердик пландарын кургактыкта, деңизде жана абада гана эмес, космосто да ишке ашыруу үчүн кошумча аргумент катары Украинаны колдоно турганы факт бойдон калууда", — деди Белоусов.
Дипломат белгилегендей, Америка менен Батыш дээрлик 15 жылдан бери космосто курал жайгаштырууга каршы туруу үчүн кандайдыр бир юридикалык күчү бар келишимди Россия менен түзүүдөн баш тартып келет.
"Бул алар алгач өздөрүнүн аскердик космостук пландарын чектей турган эч кандай милдеттенмелерди алууну каалабай жатканын билдирет", — деди адис.
Ошондой эле ал Батыш космосто артыкчылыкка жетүү мүмкүнчүлүгүн колдон чыгарбай турганын кошумчалады.
Россиянын АКШдагы элчиси Анатолий Антонов. Архив - Sputnik Кыргызстан, 1920, 06.08.2022
Антонов: азык-түлүк каатчылыгы боюнча Россияга акылга сыйгыс доомат коюлууда
Жаңылыктар түрмөгү
0