Антонов: азык-түлүк каатчылыгы боюнча Россияга акылга сыйгыс доомат коюлууда

© Sputnik / Илья Питалев / Фотобанкка өтүүРоссиянын АКШдагы элчиси Анатолий Антонов. Архив
Россиянын АКШдагы элчиси Анатолий Антонов. Архив - Sputnik Кыргызстан, 1920, 06.08.2022
Жазылуу
Yandex newsTelegram
Вашингтон 22-июлда Украинанын портторунан эгин менен азык-түлүктү коопсуз ташуу боюнча төрт тараптуу демилгенин катышуучуларынын бири боло албай калганын өтө оор кабыл алган.
БИШКЕК, 6-авг. — Sputnik. Россиянын АКШдагы элчиси Анатолий Антонов Америка бийлигинин дүйнөлүк азык-түлүк кризиси үчүн Россияны айыптоо аракетин акылга сыйгыс деп атады. Бул тууралуу РИА Новости жазды.
"Бардык жоопкерчиликти Россияга жүктөө аракети акылга сыйбаган нерсе. Айыл чарба азыктарынын жетишсиздиги — бир катар факторлордун, анын ичинде Батыштын Россияга жүк ташуусуна тоскоол болгон санкцияларынын жыйынтыгы. Чектөөлөр атайылап киргизилген. Чет элдик компанияларды чаташтыруу жана коркутуу максатында иштелип чыккан. Алардын россиялык ишканалар менен кызматташуусун мүмкүн болушунча татаалдаштырышты", — деди ал.
Антонов Вашингтон 22-июлда Украинанын портторунан эгин менен азык-түлүктү коопсуз ташуу боюнча төрт тараптуу демилгенин катышуучуларынын бири боло албай калганын өтө оор кабыл алганын айтты.
Элчи Кара деңиз аркылуу жүк ташуулардын кайра жанданышын кубаттап, Украина жана анын Батыштагы өнөктөштөрү бул процессти бузууга аракет кылбайт деген үмүтүн билдирди.
"Алар ачкачылыктан жапа чеккен, жаңы өнүгүп келе жаткан өлкөлөргө жүк жеткирүүгө кезек келгенде саясий оюнун токтотушат деп ойлойм", — деди элчи.
22-июлда Стамбулда Россиянын коргоо министри Сергей Шойгу дүйнөлүк рынокко азык-түлүк жана жер семирткич жеткирүү көйгөйлөрүн чечүү үчүн тиешелүү эки документке кол койду. Биринчи меморандум БУУнун россиялык айыл чарба продукциясын жана жер семирткичтерин дүйнөлүк рынокко экспорттоодогу ар кандай чектөөлөрдү алып салуу милдетин өзүнө алат. Экинчиси Украина көзөмөлдөгөн Кара деңиз портторунан Украинанын айыл чарба продукциясын экспорттоо алгоритмин аныктайт.
Энергодардагы Запорожье АЭСиндеги муздатуучу бассейн агрегаттары - Sputnik Кыргызстан, 1920, 04.08.2022
Россиянын Донбассты коргоо боюнча атайын операциясы
РФ ТИМи: Украинанын өзөктүк объектилеринде чагымчылык болушу ыктымал
Жаңылыктар түрмөгү
0