Россия менен Түркия соода алакасын 100 млрд. долларга жеткирмекчи

© Sputnik / Михаил Воскресенский / Фотобанкка өтүүРоссия менен Түркиянын желектери. Архив
Россия менен Түркиянын желектери. Архив - Sputnik Кыргызстан, 1920, 06.08.2022
Жазылуу
Yandex newsTelegram
Эки лидердин жолугушуусу кечээ Сочи шаарында өткөн.
БИШКЕК, 6-авг. — Sputnik. Түркия президенти Режеп Тайип Эрдоган РФ лидери Владимир Путинге Владимир Зеленский менен Түркияда жолугушууну сунуштаганын билдирди. Бул тууралуу РИА Новости жазды.
Эскерте кетсек, Эрдоган менен Путиндин жолугушуусу кечээ, 5-августта, Россиянын Сочи шаарында өткөн. Түркия президенти мекенине кайтып баргандан кийин журналисттердин суроолоруна жооп берген.
"Кыйынчылыктарга карабастан мен украин көйгөйү сүйлөшүү жолу менен гана чечилет деген ишенимдемин. Путин мырзага Зеленский мырза менен жолугушуу уюштуруп берүүгө даяр экенибизди дагы бир ирет эскерттим. Россия менен бардык тармакта байланышыбызды бекемдеп, аймакта да, дүйнөдө да тынчтык өкүм сүрүшүнө салымыбызды кошо бермекчибиз", — деди Эрдоган.
Ал мындан тышкары Россия менен Түркия экономикалык кызматташуу боюнча "жол картасына" кол койгонун, ага ылайык, эки өлкө ортосундагы соода 100 миллиард долларга чейин жогорулай турганын белгиледи.
"Буга чейин максатыбыз 100 миллиард доллар экенин айтканбыз. Кызматташууну энергетика, соода, туризм жана айыл чарба тармагында өнүктүрүү максатыбыз бар", — деди Эрдоган.
Түркия лидери РФ президенти менен "Мир" картасынын Түркияда колдонулушун да талкуулаганын билдирди. Анын айтымында, бул багытта алгылыктуу иштер жасалууда.
"Путин мырза менен рубль тууралуу да макулдаштык. Бул бизге да, Россияга да өзүнчө киреше булагы болуп калмакчы. Бүгүнкү күндө беш банк "Мир" картасын колдонууга киргизүү боюнча иш жүргүзүп жатат. Бул россиялык туристтердин ыңгайлуулугу үчүн абдан жакшы шарт болот", — деди Түркия президенти.
Мындан тышкары, Эрдоган Путин аны сентябрда Ташкент шаарында өтө турган Шанхай кызматташтык уюмунун жолугушуусуна чакырганын кошумчалады.
Россия лидери Владимир Путин менен Түркия президенти Режеп Тайип Эрдогандын Сочиде жолугушуу учурунда - Sputnik Кыргызстан, 1920, 06.08.2022
Путин менен Эрдоган жолугушууда эмне тууралуу макулдашты. Урунттуу учурлар
Жаңылыктар түрмөгү
0