Шольц: Германия Украинага өзү колдоно элек жаңы техника берип жатат

© AFP 2022 / CHRISTIAN SPICKERГермания канцлери Олаф Шольц
Германия канцлери Олаф Шольц - Sputnik Кыргызстан, 1920, 02.08.2022
Жазылуу
Yandex newsTelegram
Украинага курал-жарак байма-бай жеткирилип жаткандыктан Россия АКШ баш болгон өлкөлөргө нота жөнөткөн.
БИШКЕК, 2-авг. — Sputnik. Германия Украинаны курал-жарак менен камсыздоону улантууда. Ал тургай азырынча Германиянын Куралдуу күчтөрү пайдалана элек жаңы техникаларды берип жатат. Бул тууралуу өлкө канцлери Олаф Шольцтун жергиликтүү ЖМКларга берген маегине шилтеме кылып РИА Новости жазды.
"Биз өзүбүздө бар курал-жаракты Украина менен бөлүшүп жатабыз. Алардын арасынан танкага каршы жана абадан коргонуу системалары, миналар, мылтыктар, тонналаган ок-дары бар. Эми биз татаал жана өтө кымбат системаларга жеттик. Кеп гаубицалар, зениттик системалар, артиллериялык багыттоочу радар системалары тууралуу болуп жатат. Айрымдары өтө жаңы, алар жадагалса өзүбүздүн Куралдуу күчтөргө бериле элек", — деди Шольц.
Анын айтымында, Украина аскерлери Германияда жаңы техниканы колдонууга үйрөнүп жатышат.
Украинага курал-жарак байма-бай жеткирилип жаткандыктан Россия АКШ баш болгон бардык өлкөлөргө нота жөнөткөн. Ал эми өлкөнүн тышкы иштер министри Сергей Лавров Украина үчүн курал-жарак ташыган кандай гана объект болбосун, ал мыйзамдуу бутага айлана турганын эскерткен.
Россия президенти Владимир Путин  - Sputnik Кыргызстан, 1920, 01.08.2022
Путин: өзөктүк согушта жеңүүчү болушу мүмкүн эмес
Жаңылыктар түрмөгү
0