Садыр Жапаров: Чолпон-Атадагы саммит натыйжалуу болот деп ишенем

© Пресс-служба президента КР / Султан ДосалиевМамлекет башчы Садыр Жапаров
Мамлекет башчы Садыр Жапаров  - Sputnik Кыргызстан, 1920, 21.07.2022
Жазылуу
Жапаров президенттердин төртүнчү консультативдик жолугушуусун ачык деп жарыялаган.
БИШКЕК, 21-июл. — Sputnik. Мамлекет башчы Садыр Жапаров бүгүн, 21-июлда, Ысык-Көл облусунун Чолпон-Ата шаарында өтүп жаткан Борбор Азия мамлекет башчыларынын саммитине катышып жаткандардын алдында сүйлөдү.
Президент алгач кесиптештери менен учурашып, Түркмөнстандын президенти Сердар Бердымухамедовдун консультативдик жолугушууга биринчи жолу катышып жатканын өзүнчө белгилеген. Ал атасынын миссиясын улантып, Борбор Азиядагы интеграция жана кызматташтык маселелерине салым кошоруна ишенимин билдирди.
Мамлекет башчы Борбор Азия президенттеринин төртүнчү консультативдик жолугушуусун ачык деп жарыялап, бүгүнкү диалог ийгиликтүү жана натыйжалуу болуп, бардык актуалдуу маселелерди талкуулоого жана аларды чечүүнүн жалпы жолдорун табууга мүмкүндүк берет деген ишенимин билдирген.
Учурда Чолпон-Ата шаарында Борбор Азия мамлекет башчыларынын төртүнчү консультативдик жолугушуусу өтүп жатат. Ага Өзбекстан, Казакстан, Тажикстан жана Түркмөнстан өлкөлөрүнүн президенттери катышууда.
Борбордук Азиянын мамлекеттеринин желектери. Архив - Sputnik Кыргызстан, 1920, 21.07.2022
Борбор Азия өлкө башчыларынын саммитине Россия менен Кытайды чакыруу сунушталды
Жаңылыктар түрмөгү
0