Дайыма бийиктикте! Валентина Шевченко Тайла Сантосту утту
10:19 12.06.2022 (Жаңыртылды: 12:59 12.06.2022)
© AFP / NICHOLAS YEO
Жазылуу
БИШКЕК, 12-июн. — Sputnik. Кыргызстандык Валентина Шевченко UFC турниринде бразилиялык Тайла Сантосту жеңип алды.
UFC турнири Сингапурда өттү. Шевченко негизги кармашта жетинчи жолу чемпиондук макамын коргоду.
BY SPLIT DECISION
— UFC Canada (@UFC_CA) June 12, 2022
Valentina Shevchenko retains her flyweight title against Taila Santos! 🏆 #UFC275 pic.twitter.com/Ozw2ILZgLX
Биринчи беш мүнөттө беттеш спортчулардын аралыктан туруп бири-бирин койгулоосу менен коштолду. Экинчи раундда Сантос кармашты партерге өткөрүп, бирок Шевченко үчүн ал өтө кыйын деле болгон жок. Үчүнчү беш мүнөттүктө эки тарап тең катуу кармашып, андан соң Шевченко партерде күчүн көрсөтө баштады. Таймаштын бүтөрүнө эки мүнөт калганда Сантос атаандашын торго такап, партерге алып келип муунтууга аракет кылды, бирок жетишкен жок.
‘49-46?! Whoever that was, FIRED’: Pros score Valentina Shevchenko vs. Taila Santos at UFC 275 (@MMAFightingSM) https://t.co/Y8h9O78qT7 pic.twitter.com/iH2zgGesyS
— MMAFighting.com (@MMAFighting) June 12, 2022
“Бул Валентина Шевченконун атаандаштыгы күчтүү беттештеринин бири болду”, — деп белгиледи алып баруучу.
Valentina Shevchenko retains title with razor-close split decision win over Taila Santos in #UFC275 co-main event #UFC https://t.co/n22Ihj55Ru pic.twitter.com/g9ZZBQ0VeY
— Damon Martin (@DamonMartin) June 12, 2022
Шевченко калыстардын чечими менен жеңүүчү аталды. Ал 48, ал эми атаандашы 47 упай алды.
“Мен атаандашымдын ар тараптуу мушкер экенин билчүмүн. Соккулары, грепплингде жакшы болчу, бирок жыйынтык мен күткөндөй болду. Мага эч кандай чек жок, ким болбосун баары менен беттешүүгө даярмын”, — деди Шевченко.
Ал эми Сантос беттеш өтө оор болот деп ойлогонун, азыр жаш экенин, келечекте Шевченко менен дагы да кездешерин билдирди.
Сантос UFC кыз-келиндер арасындагы жеңил салмак категориясында төртүнчү орунда турат.
