https://sputnik.kg/20220603/kongress-baydenden-ukrainaga-zhumshagan-akchanyn-otchetun-talap-kyldy-1064916025.html
Конгресс Байденден Украинага жумшалчу 40 млрд. доллардын отчётун талап кылды
Конгресс Байденден Украинага жумшалчу 40 млрд. доллардын отчётун талап кылды
Sputnik Кыргызстан
Киевге 40 миллиард доллар бөлгөн мыйзам долбоору боюнча конгрессчилердин колдоосун америкалык коргонуу ведомствосу бир топ кыйынчылык менен алган. 03.06.2022, Sputnik Кыргызстан
2022-06-03T10:28+0600
2022-06-03T10:28+0600
2022-06-03T10:29+0600
россиянын донбассты коргоо боюнча атайын операциясы
дүйнөдө
акш
украина
жардам
мыйзам долбоору
курал
https://sputnik.kg/img/07e6/06/03/1064913830_0:320:3073:2048_1920x0_80_0_0_a2aef3453f03746b9a657bb2fb11a239.jpg
БИШКЕК, 3-июн. — Sputnik. Америкалык конгрессмендер Жозеф Байдендин администрациясынан Украинага бөлүнгөн 40 миллиард доллар өлчөмүндөгү акчанын чыгымдалышы боюнча зарыл делген маалыматтарды берүүнү талап кылып жатышат. Бул тууралуу РИА Новости Politico басылмасына таянып жазды.Мыйзам чыгаруучулардын арасында Байдендин Украинага берилген каражат туурасында отчёт берип, жөнөтүлгөн миңдеген курал менен техниканы көзөмөлдөп тура алабы деген тынчсыздануулар жаралып жатканы айтылды.Гезиттин маалыматына караганда, Киевге 40 миллиард доллар акчаны бөлүү туурасындагы мыйзам долбоору боюнча конгрессчилердин колдоосун америкалык коргонуу ведомствосу бир топ "жан алакетке түшүп жатып" алган.Пентагондун расмий өкүлү подполковник Антон Семелрот АКШнын Коргонуу министрлиги башка мамлекеттерге каражат бергенде "конгресс менен коомчулукка ачык болуу позициясын карманарын" айткан. Анткен менен Politico мыйзам чыгаруучуларга АКШнын европалык өнөктөштөрүнө коопсуздукту камсыздоого байланыштуу жумшалган чыгымдар боюнча тиешелүү отчёттун бербегенин билдирген.Президент Жозеф Байден майдын аягында Украинага 40 миллиардга жакын доллар берүү боюнча мыйзам долбооруна кол койгон. Ал аскердик, экономикалык жана гуманитардык жардамды, андан сырткары, өлкөгө байланышкан кырдаал боюнча көмөктөшүүнү камтый турганын айткан.Донбасстагы россиялык атайын операциянын фонунда Вашингтон жана анын НАТО боюнча союздаштары Украинага куралды болушунча жөнөтүп жатат. Москванын Батыш берген куралдар чатакты создуктурарын бир нече жолу айткан жайы бар.Россия Украинадагы атайын операциясын 2022-жылдын 24-февралында баштаган. Президент Владимир Путин ал "Киев режими тарабынан сегиз жыл бою кордолуп-мазакталып, геноцидге кабылгандарды коргоо" максатын көздөйт деген.
https://sputnik.kg/20220601/aksh-ukrainaga-700-million-dollarlyk-askerdik-zhardam-1064859012.html
акш
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, украина, жардам, мыйзам долбоору, курал
дүйнөдө, акш, украина, жардам, мыйзам долбоору, курал
Конгресс Байденден Украинага жумшалчу 40 млрд. доллардын отчётун талап кылды
10:28 03.06.2022 (Жаңыртылды: 10:29 03.06.2022) Киевге 40 миллиард доллар бөлгөн мыйзам долбоору боюнча конгрессчилердин колдоосун америкалык коргонуу ведомствосу бир топ кыйынчылык менен алган.
БИШКЕК, 3-июн. — Sputnik. Америкалык конгрессмендер Жозеф Байдендин администрациясынан Украинага бөлүнгөн 40 миллиард доллар өлчөмүндөгү акчанын чыгымдалышы боюнча зарыл делген маалыматтарды берүүнү талап кылып жатышат. Бул тууралуу
РИА Новости Politico басылмасына таянып жазды.
Мыйзам чыгаруучулардын арасында Байдендин Украинага берилген каражат туурасында отчёт берип, жөнөтүлгөн миңдеген курал менен техниканы көзөмөлдөп тура алабы деген тынчсыздануулар жаралып жатканы айтылды.
"Бир катар конгрессчилер администрацияны бериле турган кийинки жардамдын пакети мурдагыдай болуп конгресстин көпчүлүк бөлүгүнүн колдоосун ала албастыгын эскертишти. Бул жерде маанилүү фактор Пентагон бөлүнгөн каражат боюнча отчётту канчалык толук жана мазмундуу кылып бере алгандыгында турат", — деп айтылган анда.
Гезиттин маалыматына караганда, Киевге 40 миллиард доллар акчаны бөлүү туурасындагы мыйзам долбоору боюнча конгрессчилердин колдоосун америкалык коргонуу ведомствосу бир топ "жан алакетке түшүп жатып" алган.
Пентагондун расмий өкүлү подполковник Антон Семелрот АКШнын Коргонуу министрлиги башка мамлекеттерге каражат бергенде "конгресс менен коомчулукка ачык болуу позициясын карманарын" айткан. Анткен менен Politico мыйзам чыгаруучуларга АКШнын европалык өнөктөштөрүнө коопсуздукту камсыздоого байланыштуу жумшалган чыгымдар боюнча тиешелүү отчёттун бербегенин билдирген.
Президент Жозеф Байден майдын аягында Украинага 40 миллиардга жакын доллар берүү боюнча мыйзам долбооруна кол койгон. Ал аскердик, экономикалык жана гуманитардык жардамды, андан сырткары, өлкөгө байланышкан кырдаал боюнча көмөктөшүүнү камтый турганын айткан.
Донбасстагы россиялык атайын операциянын фонунда Вашингтон жана анын НАТО боюнча союздаштары Украинага куралды болушунча жөнөтүп жатат. Москванын Батыш берген куралдар чатакты создуктурарын бир нече жолу айткан жайы бар.
Россия Украинадагы атайын операциясын 2022-жылдын 24-февралында баштаган. Президент Владимир Путин ал "Киев режими тарабынан сегиз жыл бою кордолуп-мазакталып, геноцидге кабылгандарды коргоо" максатын көздөйт деген.
