Евразийский экономический форум в Бишкеке - Sputnik Кыргызстан, 1920
Евразия экономикалык форуму
Бишкекте Евразиялык экономикалык форум өтүүдө. Ага 15 өлкөдөн 2,5 миңге чукул киши келди. Форумдун алкагында 30дан ашык иш-чара өтүп, өнөр жай, электрондук соода, энергетика, транспорт тармагы, бизнес менен туризмдин келечеги боюнча 6 панелдик талкуу болот. Форумга Кыргызстан төрагалык кылууда.

Токаев: ЕЭКке кошумча укук берүүнүн зарылчылыгы жок

© Пресс-служба президента КР / Султан ДосалиевКазакстандын президенти Касым-Жомарт Токаев
Казакстандын президенти Касым-Жомарт Токаев - Sputnik Кыргызстан, 1920, 26.05.2022
Жазылуу
Yandex newsTelegram
Токаев жаралган кыйынчылыктарды чоң көйгөйгө айлантуунун кереги жок деген пикирин айтты.
БИШКЕК, 26-май — Sputnik. Евразия экономикалык комиссиясына кошумча укуктарды берүү зарылчыгы жок деп эсептейм. Бул туурасында Казакстандын президенти Касым-Жомарт Токаев Евразиялык форумдун пленардык сессиясында билдирди.

"Биз, Казакстан, шашып, алдыга чуркап кетүүнүн кажети жок деп эсептейбиз, акырындык менен иштеш керек. ЕЭК өкмөттүк уюм болуп саналбайт. Ал — уставдын негизинде тиешелүү укуктарды бөлүп берген гана аткаруучу орган. Интеграцияны өнүктүрүүдө жаралган кыйынчылыктарды чоң көйгөйгө айлантуунун кереги жок. Бул кадыресе көрүнүш. Ошол эле учурда Казакстан евразиялык интеграцияны өнүктүрүүнүн тарапташы болуп келгенбиз, мындан ары да колдойбуз. Биримдиктеги бардык өлкөлөр менен кызматташабыз", — деди Токаев.

Ошондой эле ал бүгүн Бишкекке расмий сапар менен келгенин эске салып, президент Садыр Жапаров менен жолугушууда эки өлкө ортосундагы соода жүгүртүүнүн көлөмүн эң жакынкы жылдары бир миллиард доллардан эки миллиардга чыгарууга макулдашканын билдирди.
Аны менен катар бул макулдашуу эки тараптуу формат экенин, интеграцияны дагы ушундай жол менен өнүктүрсө болорун белгиледи.
Кыргызстан президенти Садыр Жапаров. Архив - Sputnik Кыргызстан, 1920, 26.05.2022
Евразия экономикалык форуму
Садыр Жапаров: дүйнө олку-солку болуп турганда ЕАЭБ ичинде бекем бололу
Жаңылыктар түрмөгү
0