Азия чемпионатында Айсулуу Тыныбекованын атаандаштары аныкталды

© Фото / United World Wrestling / Martin GaborКыргызстан балбаны Айсулуу Тыныбекова. Архив
Кыргызстан балбаны Айсулуу Тыныбекова. Архив - Sputnik Кыргызстан, 1920, 15.04.2022
Жазылуу
Чоңдор арасында Азия биринчилиги кийинки жумада старт алат. UWW уюму спортчулардын атаандаштарынын тизмесин жарыялады.
БИШКЕК, 15-апр. — Sputnik. Монголияда өтө турчу күрөштүн түрлөрү боюнча Азия чемпионатында белгилүү балбан Айсулуу Тыныбекованын атаандаштары белгилүү болду.
Чемпионат 19-24-апрель күндөрү Улан-Батор шаарында болот.
Тыныбекова килемде 62 килограмм салмактагылар арасында кармашат.
Бириккен күрөш уюмунун (UWW) сайтында каршылаштарынын тизмеси жарыяланган:
Нонока Одзаки (Япония) — дүйнө чемпионатынын коло байге ээси;
Аяулым Касымова (Казакстан) — Азия чемпионатынан күмүш жана коло медалдарды алган;
Маниша Маниша (Индия);
Ханбит Ли (Корея);
Болдсайханы Хонгорзул (Монголия) — Олимпиада оюндарынын катышуучусу;
Сачини Сильва (Шри-Ланка);
Набира Эсенбаева (Өзбекстан) — Азия чемпионатынан күмүш байге уткан.
Балбандар. Архивдик сүрөт - Sputnik Кыргызстан, 1920, 14.04.2022
Депутаттардын чуусунан кийин Азия чемпионатына барчу балбандарга акча которулду
Жаңылыктар түрмөгү
0