Кубаныч Абдисалам уулу BRAVE уюмунун чемпиону болду. Нокауттун видеосу

© Фото / Pexels / Bruno BuenoМушкер. Архивдик сүрөт
Мушкер. Архивдик сүрөт - Sputnik Кыргызстан, 1920, 12.03.2022
Жазылуу
Омок каймана аты менен таанымал кыргыз мушкери бразилиялык атаандашын биринчи раундда техникалык нокаут менен жеңген.
БИШКЕК, 12-мар. — Sputnik. Кыргызстандык Кубаныч Абдисалам уулу BRAVE CF уюмунун утурумдук чемпион наамына ээ болду. Бул тууралуу аталган уюм Instagram баракчасы аркылуу кабарлады.
Кыргыз мушкери жеңил салмактагылар (57 кг) арасында күч сынашты. Ал бразилиялык атаандашы Клейтон Силваны биринчи раундда техникалык нокаут менен жеңген.
Беттештен кийин Кубаныч Абдисалам уулу жеңил салмактагы чемпион Ахмед Амир менен көз караштар таймашын өткөргөн. Египеттик мушкер жаракатына байланыштуу наамын коргоого чыккан эмес.
Кыргызстандык спортчу ушуну менен ММА боюнча 19-кармашын утту. Үч ирет жеңилген. Ал 27 жашта, октагондо Омок каймана атын алып жүрөт.
BRAVE Combat Federation (BRAVE CF) — дүйнөдөгү беделдүү промоушендердин бири. UFC уюмунун белгилүү мушкери Хамзат Чимаев да дал ушул уюмдан чыккан.
Кыргызстандык мушкер, UFC уюмунун жеңил салмактагы чемпиону Валентина Шевченко. Архив - Sputnik Кыргызстан, 1920, 03.03.2022
Валентина Шевченко наамын коргоо үчүн бразилиялык мушкер менен кармашат
Жаңылыктар түрмөгү
0