Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

Атылбаган октор, ээсиз калган бронежилет: Донецк багытына бараткандагы видео

Жазылуу
RT Донецк Элдик Республикасындагы Волноваха аймагын көздөй бара жаткандагы Украинанын куралдуу күчтөрү басып алган жерлерден тартылган эксклюзив кадрларды жарыялады.
Кадрдан атылбай калган окторду, жарылбай калган снаряддарды, өрттөлгөн техникаларды, алардын арасынан аскердин ташталган бронежилетин көрүүгө болот.
"Видеону карап туруп украиналык аскерлер батыштын канча куралдарын таштап кеткенин баалоого болот", — деп жазылган маалыматта.
Эске салсак, 24-февралдын таңынан тарта Украина — Россия мамилесиндеги кырдаал башкача өңүт алган. Украина тараптан ЛЭР менен ДЭРге карата аткылоонун аягы үзүлбөй, аталган республикалардын жетекчилери РФ лидери Владимир Путинден жардам сураган. Мындан улам Путин эртең менен элине кайрылып, Донбасста атайын операция өткөрүү чечимин кабыл алгандыгын жарыя кылган. Учурда Россия тараптын Украинаны демилитаризация жана денацификация операциясы жүрүп жатат. Россиянын Коргоо министрлиги, Куралдуу күчтөрү соккуну Украина тараптын аскердик инфраструктуралары менен күч түзүмдөрүнө уруп жаткандыгын билдиришти. Тилекке каршы, эки жактан тең курман болгондор, жаракат алгандар бар.
Жаңылыктар түрмөгү
0