Беспорядки в Казахстане из-за повышения цен на газ - Sputnik Кыргызстан, 1920, 05.01.2022
Казакстан: 2022-жылдагы газ митингдери
2022-жыл жаңырары менен Казакстанда автоунаага газдын кымбаттап кетишинен улам митингдер башталып, 5-январга караган түнү митингчилер менен күч түзүмдөрү кагылышты. Президент Касым-Жомарт Токаев өзгөчө абал режимин киргизип, ЖККУдан жардам сураган. Учурда өлкөдө кырдаал турукташты.

Нурсултан Назарбаев кайрылуу жасап, учурда кайда экенин айтты

© Sputnik / Абзал Калиев / Фотобанкка өтүүКазакстандын экс-президенти Нурсултан Назарбаев
Казакстандын экс-президенти Нурсултан Назарбаев - Sputnik Кыргызстан, 1920, 18.01.2022
Жазылуу
Yandex newsTelegram
Елбасы бийлик толугу менен Касым-Жомарт Токаевдин колунда экенин белгилеген.
БИШКЕК, 18-янв. — Sputnik. Эч кайда кеткен жокмун. Учурда Казакстандын борборунда ардактуу эс алуудамын. Бул тууралуу Казакстандын экс-президенти Нурсултан Назарбаев видео кайрылуусунда билдиргенин Sputnik Казакстан жазды.

"Менин дарегиме карата айтылган бир нече кайрылуулардан жана ЖМКларга жарыяланган маалыматтардан улам 2019-жылы президенттин ыйгарым укугун Касым-Жомарт Токаевге өткөрүп бергенимди жана ошол убакыттан бери пенсионер экенимди айтып коёюн. Азыр Казакстандын борборунда ардактуу эс алуудамын. Эч кайда кеткен жокмун", — деген Назарбаев.

Ал бийлик толугу менен Касым-Жомарт Токаевдин колунда экенин белгилеген.
"Токаев Коопсуздук кеңешинин төрагасы. Жакында президент Nur Otan партиясынын төрагасы болуп тандалат. Ошол себептен элитада эч кандай тиреш, чыр-чатак болбогонун айтып өтөйүн. Бул теманын айланасындагы ушактар негизсиз", — деген Елбасы.
Казакстандагы башаламандыктан улам айрым ЖМКлар Нурсултан Назарбаевдин өлкөдөн чыгып кеткенин жазып чыгышкан. Коңшу мамлекеттеги чыр-чатак 2022-жыл жаңырары менен газдын кымбаттап кетишинен улам башталган. 4-январь күнү нааразычылык акциялары башка региондордо уланып, 5-январга караган түнү митингчилер менен күч органдарынын ортосунда кагылышуу чыккан. Башаламандыктан дүкөндөр тонолуп, мамлекеттик мекемелер өрттөлүп, миңдеген адам жабыркап, 200дөн ашык адам көз жумганы айтылган.
Нурсултан Назарбаев акыркы окуялардан кийин алгачкы жолу үн катты. Видео - Sputnik Кыргызстан, 1920, 18.01.2022
Казакстан: 2022-жылдагы газ митингдери
Нурсултан Назарбаев акыркы окуялардан кийин алгачкы жолу үн катты. Видео
Үйлөнүү. Иллюстративдик сүрөт - Sputnik Кыргызстан, 1920, 17.01.2022
Кайнатасынын жан сакчысы, элчи, банкир... Борбор Азия ажолорунун күйөө балдары
Жаңылыктар түрмөгү
0