Радиостудия Sputnik Кыргызстан в Бишкеке - Sputnik Кыргызстан, 1920
Радио

Бактыгулов: Казакстандын ички саясаты Кыргызстандыкынан көп айырмаланбайт

© Sputnik / Эркин СадыковКруглый стол "Сотрудничество КР и РФ в сферах миграции, образования и медицины"
Круглый стол Сотрудничество КР и РФ в сферах миграции, образования и медицины - Sputnik Кыргызстан, 1920, 11.01.2022
Жазылуу
Саясий серепчи Шерадил Бактыгулов Казакстанда болуп жаткан окуялар эки чоң себептен келип чыкты деген пикирин билдирди.
Казакстанда Конституциясы боюнча, күч органдарын президент жетектеши керек. Башкы командачы өлкө башчысы болуп эсептелет. Бирок экс-президент Коопсуздук кеңешине келип, өмүр бою башкара тургандай абал жаралган. Бул акырындык менен ансыз да ичтен бөлүнүп-жарылып жүргөн элитага жик салды. Мындай пикирин Шерадил Бактыгулов Sputnik Кыргызстан радиосунда маек куруп жатып белгиледи.
Бактыгулов: Казакстандын ички саясаты Кыргызстандыкынан көп айырмаланбайт
Анын айтымында, Казакстандагы учурдагы кандуу окуяларга коронакризистин да таасири чоң.
"Казакстан экономикалык жактан бизден бир аз өйдө турганы менен саясаты Кыргызстандыкындай эле. Ачык айтканда, ал жакта деле элитасы урууга, жер-жерге бөлүнүп-жарылып турат. Буга экс-президенттин Коопсуздук кеңешин башкарып калышы кошумча боёк берди десек болот. Анткени Конституция боюнча күч түзүмдөрүнүн башкы командачысы президент, башкача айтканда, Касым-Жоомарт Токаев болуусу зарыл эле, бирок Назарбаев бийликтен толук кетпей отурду. Ал тургай бийликтин таасирдүү бутактарында анын кадрлары иштеп жатты. Өкмөт башчысы Карим Масимов да Назарбаевдин кадры. Токаев өз кадрларын алып келип бийлигин жүргүзгөнгө жетише элек болчу. Өлкөдө дале экс-президенттин таасири күч бойдон калган. Мунун өзү жогоруда биз айткан майда бөлүнүүлөрдү ырбатып, мамлекеттик кадрлар арасына жик таштады. Бул саясий жагынан алганда Казакстандын бизден эч кандай айырмасы жок болчу. Андыктан эртеби-кечпи, мындай окуянын чыгып кетиши толук мүмкүн эле", — деди Бактыгулов.
Ал эки өлкөнүн окшош жактары көп болгону менен Казакстан Кыргызстанда жагымсыз окуялар болгондо дароо чек араны жаап алуусу менен кескин айырмаланарын кошумчалады.
Жаңылыктар түрмөгү
0