Беспорядки в Казахстане из-за повышения цен на газ - Sputnik Кыргызстан, 1920, 05.01.2022
Казакстан: 2022-жылдагы газ митингдери
2022-жыл жаңырары менен Казакстанда автоунаага газдын кымбаттап кетишинен улам митингдер башталып, 5-январга караган түнү митингчилер менен күч түзүмдөрү кагылышты. Президент Касым-Жомарт Токаев өзгөчө абал режимин киргизип, ЖККУдан жардам сураган. Учурда өлкөдө кырдаал турукташты.

Ташиев: коңшу өлкө биздин жаранды терроризмге айыптап жатса жөн отурбайбыз

© AP Photo / Vladimir TretyakovАлматы аянтында укук коргоо кызматкерлери
Алматы аянтында укук коргоо кызматкерлери - Sputnik Кыргызстан, 1920, 09.01.2022
Жазылуу
Yandex newsTelegram
УКМК төрагасы жагдай тууралуу казак кесиптештери менен байланышып, аларга маалымат бергенин айтты.
БИШКЕК, 9-янв. — Sputnik. Биз Викрам Рузахунов террорист эмес экенин анык билебиз, ал мындай кылмышка айыпталып жоопко тартылбашы керек. Бул туурасында УКМК төрагасы Камчыбек Ташиев билдирди.
Учурда Казакстандын Бишкектеги элчилигинин алдына бир нече адам музыкант Викрам Рузахуновдун Алматыда кармалганы боюнча нааразычылык акциясын өткөрүүдө. Алар чогулган жерге Ташиев барган.
"Викрам Рузахунов террорист катары жоопко тартылбашы керек. Бул боюнча атайын кызмат жана ТИМ иш алып барууда. Биз казак кесиптештерибиз менен да байланышып, маалымат бердик. Коомчулук билиш үчүн ал маалыматты сиздерге да жеткирип коёюн деп келдим. Коңшу өлкө биздин жаранды терроризмге айыптап жатканда жөн отурбайбыз. Эгер керек болсо, биз биргеликте иликтөө жүргүзүүгө даярбыз. Тергөө тобун, адистерди жиберип жараныбызды бүт жактан коргойбуз. Рузахунов мурда бир дагы башаламандыктарга аралашпаганын аныктадык. Кокусунан ал террорист болуп калбайт", — деди Ташиев.
Ошондой эле ал Казакстандын мамлекеттик телеканалдары туура эмес маалымат таратып жатканын, атайын кызматтар иликтөөнүн риторикасын өзгөртүшү керектигин белгиледи.
Пианинодо ойногон киши. Архив - Sputnik Кыргызстан, 1920, 09.01.2022
Казакстан: 2022-жылдагы газ митингдери
Юлия Руцкая Алматыда кармалган музыкант Рузахунов тууралуу маалымат берди
"Биздин жаранды терроризмге айыптаганы туура эмес. Мен УКМК төрагасы катары айтарым, биздин өлкөдө эч кандай террорист жок. Эгер чыга турган болсо, тийиштүү чараларды колдонобуз. Казакстанда мурдатан иштеп жүргөн кыргызстандыктар митингге аралашып калышы мүмкүн. Бирок андай фактылар тууралуу да расмий түрдө эч кандай тастыктоо жок. Мен атайын кызматтын башчысы катары айтып коёюн, кандайдыр бир иштерди жасоо үчүн Кыргызстандан коңшу өлкөгө террористтер кирип барды дегени туура эмес, андай болбойт дагы", — деди УКМК төрагасы.
Белгилей кетсек, Казакстандын Qazaqstan мамлекеттик телеканалы бүгүн, 9-январда, митингдерге катышуу үчүн Кыргызстандан барды делген жарандын сурак берип жаткан видеосун жарыялады. Ал берген көрсөтмөсүндө белгисиз адамдар митингдерге катышуу үчүн 90 миң теңге сунуштап чакырып, самолетко билетин алып берип, батирге жайгаштырганын билдирген.
Ал эми Кыргызстандын ИИМи билдирүү таратып, аталган жаран музыкант Викрам Рузахунов экенин жана Алматыга концерттик программа өткөргөнү барганын маалымдады.
Казак аскерлери Алматыга баруучу жолду көзөмөлдөп жатышат - Sputnik Кыргызстан, 1920, 09.01.2022
Казакстан: 2022-жылдагы газ митингдери
Бир нанды 100 долларга алууга зарыгып... Учурда Казакстанда кырдаал кандай
Жаңылыктар түрмөгү
0