Прокуратура: Токтогулда томолой жетим бала менен майып адамга жер тилке берилди

© Sputnik / Наталья ГоршковаМайып адам. Архив
Майып адам. Архив - Sputnik Кыргызстан, 1920, 22.12.2021
Жазылуу
Yandex newsTelegram
Жергиликтүү жашоочу муниципалдык жер аянтын мыйзамсыз тосуп алып, пайдаланып жүргөнү аныкталган. Көзөмөл органы муктаждарга жер тилкесин бөлүп берүү жөнүндө талап кылган.
БИШКЕК, 22-дек. — Sputnik. Жалал-Абаддын Токтогул районунда томолой жетим бала менен ден соолугунан мүмкүнчүлүгү чектелген адамга 900 чарчы метрден жер тилкелери берилди. Бул тууралуу Башкы прокуратура билдирди.
Маалыматка ылайык, Сүйөркулов айыл аймагына караштуу Торкен айылынын жашоочусу Р.К. Арал айылындагы муниципалдык 1 800 чарчы метр (0,18 га) жер аянтын мыйзамсыз тосуп алып, пайдаланып жүргөн.
Бул мыйзам бузуу боюнча прокурордук чара көрүү иштери жүрүп, жер тилкеси айыл өкмөттүн балансына алынган. Ошондой эле көзөмөл органы ата-энеси жок балага жана майып жаранга жер тилкесин бөлүп берүү жөнүндө талап кылып, жеке менчик укугу жөнүндө мамлекеттик акт берилген.
Бала бакчадагы оюнчуктар турган шкаф. Архив - Sputnik Кыргызстан, 1920, 13.12.2021
Прокуратура мыйзамсыз менчиктештирилген бала бакчаны мамлекетке кайтарды
Жаңылыктар түрмөгү
0