Парламентте Жээнбеков менен Зулпукаровду кармагандарды жоопко тартуу сунушталды

Абак. Архив - Sputnik Кыргызстан, 1920, 08.12.2021
Жазылуу
Yandex newsTelegram
Бүгүн ЖК депутаттары эки кесиптешин кылмыш жоопкерчилигине тартууга макулдук берүүдөн баш тартып, абактан чыгаруу чечимин кабыл алды.
БИШКЕК, 8-дек. — Sputnik. Жогорку Кеңештин депутаттарын кармаган тергөөчү, прокурорлорду жоопко тартыш керек. Бул туурасында эл өкүлү Шералы Абдылдаев парламентте билдирди.
Белгилей кетсек, депутаттык комиссия "Кумтөр" иши боюнча коррупцияга айыпталып алты айдан бери абакта отурган Асылбек Жээнбеков менен Төрөбай Зулпукаровду "мыйзамсыз кармалган" деп тапты.
"Комиссия биздин кесиптештерди камакка алууда мыйзам бузуу болгон деп жатат. Мындай туура эмес чечимдерди кабыл алган тергөөчү, прокурор жоопко тартылабы? Мындан кийин ушундай нерселер болбошу үчүн аны да комиссиянын чечимине дагы көрсөтүп койбойлубу. Биздин практикада мыйзам бузган тараптарга эч кандай чара жок. Чечим кабыл алган адамдар жоопкерчиликке тартылсын же мыйзам чегинде жооп берсин", — деди Абдылдаев.
Жогорку Кеңештин депутаты Асылбек Жээнбеков. Архив - Sputnik Кыргызстан, 1920, 08.12.2021
Депутаттык комиссия Асылбек Жээнбековду абактан чыгаруу чечимин кабыл алды
Белгилей кетсек, бүгүн ЖК депутаттары Асылбек Жээнбеков менен Төрөбай Зулпукаровду кылмыш жоопкерчилигине тартууга макулдук берүүдөн баш тартып, абактан чыгаруу чечимин кабыл алды.
Ал эми бийликти басып алууга даярданган деп кармалган депутат Бакыт Жетигенов боюнча жыйынтыгын депутаттык комиссия түштөн кийин жарыялайт.
Жаңылыктар түрмөгү
0