7 партия босого чектен өтүүдө. Добуштардын 30 пайызы кол менен саналып бүттү

© AP Photo / Vladimir VoroninШайлоо участкасында аял добуш берип жатат
Шайлоо участкасында аял добуш берип жатат - Sputnik Кыргызстан, 1920, 30.11.2021
Жазылуу
Yandex newsTelegram
Саат 20:30га карата 759 шайлоо тилкесинде бюллетендер эсептелип, протоколдор БШКга жөнөтүлгөн.
БИШКЕК, 30-ноя. — Sputnik. Парламенттик шайлоодо берилген добуштардын 30,43 пайызы кол менен саналып бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.
Саат 20:30га карата 759 шайлоо тилкесинде бюллетендер саналып бүтүп, протокол жөнөтүлгөн. Бул 323 376 жарандын тандоосу ачыкталганын түшүндүрөт. Жалпысынан шайлоого 1 273 557 кыргызстандык катышкан.
Азырынча төмөнкү партиялар беш пайыздык босого чектен өттү:
  1. "Ата-Журт Кыргызстан" — 14.58 пайыз;
  2. "Ынтымак" — 14.06 пайыз;
  3. "Ишеним" — 11.97 пайыз;
  4. "Ыйман нуру" — 7.41 пайыз;
  5. "Альянс" — 7.09 пайыз;
  6. "Эл үмүтү" — 5.85 пайыз;
  7. "Бүтүн Кыргызстан" — 5.69 пайыз.
Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыкты. Партия тизмеси боюнча беш пайыздык босогодон алты партия өттү. Бир мандаттуу округ боюнча да алдын ала жыйынтык белгилүү болду. Акыркы жыйынтык протоколдордун баары кол менен эсептелип чыккандан кийин расмий жарыяланат.
Жаңылыктар түрмөгү
0