Бишкек: добуш сатып алууга шектелгендер кармалды. Видео

© Sputnik / Жоомарт УраимовАкча салынган конвертти кармап турган киши. Архив
Акча салынган конвертти кармап турган киши. Архив - Sputnik Кыргызстан, 1920, 27.11.2021
Жазылуу
Yandex newsTelegram
Аял милицияга кайрылып, добуш сатып алуу үчүн акча сунуш кылган адамдар туурасында айтып, шектүүлөрдү көрсөтүп берген.
БИШКЕК, 27-ноя. — Sputnik. Борбор калаада тартип сактоочулар добуш сатып алууга даярдалган деген акчаны алып, шектүүнү кармады. Бул тууралуу Бишкек шаардык милициясынан кабарлады.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

26-ноябрда милицияга кайрылган аял ага шайлоого байланыштуу акча сунуштаган Н. аттуу кишиге чара көрүүнү суранган. Анын айтымына караганда, кайсы бир партия жана бир мандаттуу округдун талапкери үчүн добуш сатып алууга аракеттенген. Аял ойлонулган схема боюнча ар бир шайлоочуга алгач эки миң сом берип, добуш берген соң кошумча миң сом төлөй тургандыгын айтканын билдирген.
Бул арыздан соң Жазык кодексинин 192-беренесинин ("Шайлоочуну сатып алуу") негизинде сотко чейинки тергөө иштери башталгандыгы кабарланды. Маалыматта аял шектүү делип жаткан адам берген 48 миң сомду милиционерлерге өткөрүп бергени жазылган.
Милиция 25 жаштагы Ч. А. аттуу жарандын автоунаасын тинтип жаткан учурдун видеосун жарыялады.
Кыргызстандын президенти Садыр Жапаров. Архив - Sputnik Кыргызстан, 1920, 14.11.2021
Соттолуп кетесиңер! Садыр Жапаров элди добушун сатпоого чакырды
Ал жерден банкалык алты карта, айдоочунун күбөлүгү, автоунаанын төрт сертификаты, бланкалардын 33 формасы, башка 10 бланка, тизменин бош 30 бланкасы, партиянын 2000 брошюрасы менен 800 газета, атайын папкалар жана мобилдик үч телефон табылган.
Мындан сырткары, Н.Б. аттуу дагы бир шектүүнүн жанынан банк картасы, акча жана чөнтөк телефон алынган.
Акчанын жалпы суммасы 76 700 сом (900 доллардан ашыгыраак) болгон.
Жаңылыктар түрмөгү
0