https://sputnik.kg/20211116/komur-aluuga-bargan-ehl-video-1054618933.html
Кезек качан келерин билбейбиз! Арзан көмүр алууга агылган элдин видеосу
Кезек качан келерин билбейбиз! Арзан көмүр алууга агылган элдин видеосу
Sputnik Кыргызстан
Көмүр чын эле 3 000 сомдон сатылып жатабы? Арзан деп майдасын элге берип жаткан жокпу? Элдин ушул жана башка суроолоруна жооп алуу үчүн Sputnik Кыргызстан... 16.11.2021, Sputnik Кыргызстан
2021-11-16T18:08+0600
2021-11-16T18:08+0600
2021-12-16T14:00+0600
жаңылыктар
коом
кыргызстан
экономика
видео
мультимедиа
бишкек
көмүр
кампа
эл
https://sputnik.kg/img/07e5/0b/10/1054619047_10:0:1920:1080_1920x0_80_0_0_e08089a9787ae352a332604bba14ffa2.jpg
15-ноябрда Садыр Жапаров ТЭЦ-2 жаңы конушунун тургундары менен жолугушуп жатып көмүрдүн баасын 3 000 сомго арзандата турганын убадалаган. Ага чейин кара алтындын баасы асманга чыгып, кээ бир жерлерде 6 000 сомго чейин сатылып жаткан.Президенттин берген убадасы интернетке желдей тарап, арзан көмүр сата турган кампанын дареги дароо айтылган. Ал кампа Бишкек шаарындагы Мурманская,1Б/1 көчөсүндө жайгашкан. Базада иштегендердин айтымында, эл ал жакка таңкы 7ден тарта чогулуп, дароо кезекке туруп, жазылышкан. Саат 10:00дө 150дөн ашык адамдын тизмеси түзүлүп калган.Аталган кампанын жетекчиси Султанбек Жолдошбаевдин айтымында, башында базада 200 тонна бар болчу. Ар бир үй-бүлөгө 1,5 -2 тоннадан сатуу каралган.Түшкө жетпей көмүр алууга келген элдин саны 500дөн ашып, ар ким өз алдынча тизме түзө баштады. Ал тизме кампа кызматкерлерине жетери, дал ошол тизменин негизинде көмүр берилери белгисиз.Эл менен кошо арзан көмүр сатылган жерге такси кызматтары да агылып келген. Айдоочулар журналисттерге жеткирүү акысы 1 000 сомдун тегерегинде болуп жатканын айтканы менен кардарлар бул кызмат 2 000 сомго көтөрүлүп кеткенин айтып, нааразы болушту.Ал арада "Кыргыз көмүр" ишканасы Бишкек шаарына дагы 350-400 тонна көмүр алынып келинерин маалымдап, учурда ар бирине 25-30 тоннадан жүктөлгөн 16 автоунаа борборду көздөй келе жатканын белгиледи. Бийлик шаардыктарга кыш бүткүчө кара алтынга болгон баа көтөрүлбөй турганын убада берип жатат.
https://sputnik.kg/20211116/kyrgyzstan-bishkek-komur-kymbattatuu-ishenim-telefongo-chaluu-1054618665.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, экономика, видео, мультимедиа, бишкек, көмүр, кампа, эл, кардар, такси, бишкектеги 3 миң сомдук көмүр
жаңылыктар, коом, кыргызстан, экономика, видео, мультимедиа, бишкек, көмүр, кампа, эл, кардар, такси, бишкектеги 3 миң сомдук көмүр
Кезек качан келерин билбейбиз! Арзан көмүр алууга агылган элдин видеосу
18:08 16.11.2021 (Жаңыртылды: 14:00 16.12.2021) Көмүр чын эле 3 000 сомдон сатылып жатабы? Арзан деп майдасын элге берип жаткан жокпу? Элдин ушул жана башка суроолоруна жооп алуу үчүн Sputnik Кыргызстан агенттиги таң атпай арзан көмүр сатылат деген кампага барды.
15-ноябрда Садыр Жапаров ТЭЦ-2 жаңы конушунун тургундары менен жолугушуп жатып көмүрдүн баасын 3 000 сомго арзандата турганын убадалаган. Ага чейин кара алтындын баасы асманга чыгып, кээ бир жерлерде 6 000 сомго чейин сатылып жаткан.
Президенттин берген убадасы интернетке желдей тарап, арзан көмүр сата турган кампанын дареги дароо айтылган. Ал кампа Бишкек шаарындагы Мурманская,1Б/1 көчөсүндө жайгашкан. Базада иштегендердин айтымында, эл ал жакка таңкы 7ден тарта чогулуп, дароо кезекке туруп, жазылышкан. Саат 10:00дө 150дөн ашык адамдын тизмеси түзүлүп калган.
Аталган кампанын жетекчиси Султанбек Жолдошбаевдин айтымында, башында базада 200 тонна бар болчу. Ар бир үй-бүлөгө 1,5 -2 тоннадан сатуу каралган.
"Кара-Кечеден көмүр башка автоунааларга жүктөлүп жолдо дагы келе жатат. Баа эми кымбаттабайт. Ортодо алып-сатарлар улам кирбесин деп тизме түзүп, ошону менен киргизип жатабыз. Көмүр кенден келе баштаганда 1,5-2 тонна деген чектөө алынат", — деди Жолдошбаев.
Түшкө жетпей көмүр алууга келген элдин саны 500дөн ашып, ар ким өз алдынча тизме түзө баштады. Ал тизме кампа кызматкерлерине жетери, дал ошол тизменин негизинде көмүр берилери белгисиз.
16 Жетинин айы 2021, 17:28
Эл менен кошо арзан көмүр сатылган жерге такси кызматтары да агылып келген. Айдоочулар журналисттерге жеткирүү акысы 1 000 сомдун тегерегинде болуп жатканын айтканы менен кардарлар бул кызмат 2 000 сомго көтөрүлүп кеткенин айтып, нааразы болушту.
Ал арада "Кыргыз көмүр" ишканасы Бишкек шаарына дагы 350-400 тонна көмүр алынып келинерин маалымдап, учурда ар бирине 25-30 тоннадан жүктөлгөн 16 автоунаа борборду көздөй келе жатканын белгиледи. Бийлик шаардыктарга кыш бүткүчө кара алтынга болгон баа көтөрүлбөй турганын
убада берип жатат.
