Довлотов Сейитбек — өмүр баяны
02:00 15.11.2021 (Жаңыртылды: 12:25 21.01.2022)
© Фото / пресс-служба партии "Бутун Кыргызстан"
Жазылуу
Сейитбек Довлотов 1958-жылы 23-мартта Жалал-Абад облусунун Аксы районундагы Боспиек айылында туулган. Жогорку билимдүү.
- 1981 — Иван Сеченов атындагы Москва медициналык институтун "фармация" адистиги боюнча аяктаган;
- 1981-1982 — Кыргыз мамлекеттик медициналык институтунда аспирантурада окуган;
- 1998 — Жусуп Баласагын атындагы Кыргыз мамлекеттик университетин "юриспруденция" адистиги боюнча аяктаган.
Эмгек жолу:
- 1975-жыл, январь-июнь — Фрунзедеги электровакуумдук машина куруу заводунда слесарь-жыйноочу;
- 1981 — Кыргыз ССРинин Саламаттыкты сактоо министрлигинин дарыкана борборунун кампасында бөлүм башчы;
- 1981-1984 — Кыргыз мамлекеттик медициналык институтунун дары технологиясынын каражаттары кафедрасында улук лаборант;
- 1985-1986 — Кыргыз ССРинин Саламаттыкты сактоо министрлигинин дарыкана башкармалыгынын Ош шаарындагы кампасында жетекчинин орун басары;
- 1987— Кыргыз ССРинин Саламаттык сактоо министрлигинин дарыкана башкармалыгындагы № 328 жана №5 аптекасында фармацевт-технолог;
- 1987-1992 — Кыргыз ССРинин Саламаттык сактоо министрлигинин Ош облустук наркологиялык диспансеринин фармацевт-аналитиги;
- 1992-1998 — "Мээрим" ишканасында директор;
- 1998-2003 — "Эл-Куту" көп тармактуу айыл чарба кооперативинин төрагасы;
- 2003-2006 — Ош облустук адвокаттар коллегиясында адвокаттын жардамчысы;
- 2006-2009 — Ош шаардык адвокатурасынын жактоочусу;
- 2009-2015 — жеке адвокат;
- 2015-2017 — "Юринформ" жактоочулук конторасы" ЖЧКсында адвокат;
- 2017-2021 — "Юринформ Ош" адвокаттар коллегиясында жактоочу;
- 2021-жылдын январынан тартып "Сейитбек Довлотовдун адвокаттык кеңсесинде" адвокат-окутуучу.
