Россиядагы элчилик шайлоого катышууну каалаган мекендештерге кайрылуу жасады

© Sputnik / Рамиль Ситдиков / Медиабанкка өтүүМосквадагы Кыргызстандын элчилигинде добуш берип жаткан адам. Архив
Москвадагы Кыргызстандын элчилигинде добуш берип жаткан адам. Архив - Sputnik Кыргызстан, 1920, 11.11.2021
Жазылуу
Жакынкы күндөрү шайлоочулардын тизмеде бар-жогун тактоо жана консулдук каттоого туруу мөөнөттөрү аяктайт.
БИШКЕК, 11-ноя. — Sputnik. Кыргызстандын Россиядагы элчилиги аталган өлкөдө жүргөн кыргызстандыктарга кайрылуу жасап, 12-ноябрда шайлоочулардын тизмесиндеги маалыматтарды тактоо үчүн жарандардан арыз кабыл алуу аяктай турганын дагы бир ирет эскертти.
Ал эми 28-ноябрдагы парламенттик шайлоого катышууну каалаган Кыргызстандын жарандары 15-ноябрга чейин шайлоочулардын тизмесине кирүү үчүн консулдук каттоодон өтүп, биометрикалык маалыматтарын тапшыра алары айтылды.
Бишкектеги шайлоо участкасында аял добуш берип жатат. Архив - Sputnik Кыргызстан, 1920, 11.11.2021
ЖМК менен соцтармактарга байкоо салынууда. ИИМ шайлоо алдында эскертүү жасады
Буга байланыштуу элчилик мекендештерди добуш берүүгө активдүү катышууну жана Москва, Санкт-Петербург, Сургут, Самара, Краснодар, Казань, Екатеринбург, Новосибирск, Красноярск, Тюмень, Томск, Иркутск, Якутск, Хабаровск, Владивосток жана Южно-Сахалинск шаарларында ачылган шайлоо участкаларына келүүнү өтүнөт.
Жогорку Кеңештин депутаттарын шайлоо 28-ноябрда өтөт. Жаңы чакырылышта 90 депутат болот, анын 54ү партиялык тизме, 36сы бир мандаттуу округ менен шайланып келет.
Жаңылыктар түрмөгү
0