Түндүк Корея баллистикалык ракетасын сынап, Япония ага каршы чыкты

© REUTERS / KCNA KCNAТүндүк Корея баллистикалык ракетасын сыноо. Архив
Түндүк Корея баллистикалык ракетасын сыноо. Архив - Sputnik Кыргызстан, 1920, 19.10.2021
Жазылуу
Япониянын коргоо министри Нобуо Киси Түндүк Кореянын мындай жоругу бүткүл дүйнөгө коркунуч жаратарын айтууда.
БИШКЕК, 19-окт. — Sputnik. Түндүк Корея кезектеги баллистикалык ракетасын сынап, аны Япон деңизин көздөй учурду. Бул тууралуу Түштүк Корея менен Япониянын ЖМКлары айтып чыгып, бийлик өкүлдөрү тынчсызданып жатканын РИА Новости жазды.
Шейшемби күнү эртең менен Түштүк Кореянын аскердик жетекчилери Түндүк Корея Япон деңизи тарапка баллистикалык ракета атканын айтып, кийин Япониянын премьер-министри Фумио Кисида бир эмес эки снаряд учканын тастыктады.
Көп өтпөй бул өлкөнүн коргоо министри Нобуо Киси Түндүк Кореянын мындай жоругу бүткүл дүйнөгө коркунуч жаратарын айтып чыкты.
"Түндүк Корея 2019-жылдын май айынан бери ракеталык комплексин байма-бай сыноодон өткөрүп келет. Албетте, ал күчтөнүүгө аракет кылып жатат. Бирок бул нерсе дүйнө жүзүнө, анын ичинде Японияга дагы чоң коркунуч жаратат", — деди Киси.
Пхеньян шаарында жол белгиси. Архив - Sputnik Кыргызстан, 1920, 04.10.2021
Түндүк Корея менен Түштүк Корея үзүлгөн байланыш каналдарын жандантты
Ошондой эле япон бийлиги сыналган ракета тууралуу маалымат чогултула баштаганын кошумчалады.
Бул Түндүк Корея акыркы мезгилдерде сынаган биринчи ракета эмес. Эл аралык ЖМКлар мамлекет 27 жана 30-сентябрь күндөрү эртең менен кезектеги баллистикалык ракеталарын текшерүү үчүн учурганын жазышкан. Бул кадамды АКШ Кореянын коңшуларына, дегеле бүткүл дүйнөгө кооптуу деп эсептей турганын айтып, диалогго чакырган. Бирок Ким Чен Ын АКШнын бул сунушун жөн гана душмандык мамилесин жаап-жашыруу аракети катары кабыл алып, диалогдон баш тарткан.
Жаңылыктар түрмөгү
0
Алгач жаңыларыАлгач эскилери
loader