Мигранттарга Россияда жүрүү жана жарандык алууну жеңилдетүү каралууда. Шарты

© Sputnik / Максим Блинов / Фотобанкка өтүүМосковска обласында мигранттар. Архив
Московска обласында мигранттар. Архив - Sputnik Кыргызстан, 1920, 12.10.2021
Жазылуу
Yandex newsTelegram
Мигранттарга жумуш бергендердин реестрин түзүү, кагаз түрүндөгү уруксат документтерин электрондук формага өткөрүү сунушталууда.
БИШКЕК, 12-окт. — Sputnik. Россиянын Ички иштер министрлиги үч миграциялык режим киргизүүнү пландап жатат. Алар "кыска мөөнөтүү, узак мөөнөтүү жана туруктуу жашоо" деп аталат. Бул туурасында ички иштер министринин орун басары Александр Горовой билдиргенин "МВД Медиа" порталы жазды.
Маалыматка ылайык, кыска мөөнөттө жүрүү режиминде Россияга киргенден баштап 90 күн убакыт каралган. Бул аралыкта чет элдик жаран өз өлкөсүнө кетүүнү каалабаса узак мөөнөткө уруксат алышы керек. Мындай режим алты айга чейин жүрүүгө шарт түзөт. Бул убактылуу жашоого уруксат алуунун ордуна иштелип чыккан.
Ал эми туруктуу жашоо мөөнөтсүз берилет. Бул туруктуу жашоого уруксат алуунун (ВНЖ) ордун басып, Россиянын жарандыгын алууга мүмкүнчүлүк жаралат.
Чет элдик жарандан кыска мөөнөттөгү убактысы бүткөндөн кийин узак мөөнөткө жүрүү режимине өтүү үчүн Россиянын чек арасынан чыгып-кирүү талап кылынбайт. ИИМ муну электрондук түрдө аткаруу механизмин иштеп чыгууда.
Мэр Москвы С. Собянин принял участие в открытии здания миграционного центра - Sputnik Кыргызстан, 1920, 02.10.2021
"Россиядагы кыргыздар": Москвада мигранттар үчүн жаңы портал ачылат
Ошондой эле Россияда туруктуу жашоо институтун комплекстүү түрдө реформалоо пландалып жатат. Чет өлкөлүк жарандарга аталган макамды берүү чечими ведомстволор аралык комиссия тарабынан кабыл алынат.
Мындан сырткары, жогорку окуу жайда билим алган чет элдик студенттер артыкчылыктуу бүтүрүүчүлөрдүн категориясына кирип калса Россия жарандыгын алууга жеңилдик каралган.
"Миграциялык режимди реформалоо чет өлкөлүк жарандарды жумушка тартууну жөнгө салат. Мигранттарга жумуш бергендердин реестрин түзүү, кагаз түрүндөгү уруксат документтерин электрондук санарип профилине өткөрүү сунушталууда. Аталган реестрге киргизилген жумуш берүүчү чет элдик жумушчулардын мамлекеттик реестринде турган бардык адамдарды өзүнө чакыра алат. Ишинин түрүн жана ЕАЭБ өлкөлөрүнүн жарандарынын өзгөчө макамын эске алуу менен салыктык режимдерди оптималдаштыруу керек. Мигрант, жумуш берүүчү жана мамлекеттин өз ара иштешүүсүн ыңгайлаштыруу үчүн эмгек миграциясы боюнча маалыматтык сервис түзүлөт", — деп айтылат маалыматта.
Ошондой эле азыркы тапта Россиянын аймагында 6 миллиондон ашуун чет элдик жаран жүргөнү айтылды, анын ичинен 800 миң адам жашоого уруксат алуу же убактылуу жашоо макамына ээ. Басымдуу бөлүгү эмгек мигранты катары тартылган. Соңку убакта орто жана жогорку билим алуу үчүн келгендердин саны өскөнү белгиленди.
Жаңылыктар түрмөгү
0