Адис: смартфонду кышкысын туура колдонбосо аппараттын өмүрү кыскарат

© Фото / PexelsКыш учурунда киши сүрөтка тартып жатат. Архив
Кыш учурунда киши сүрөтка тартып жатат. Архив - Sputnik Кыргызстан, 1920, 04.10.2021
Жазылуу
НовостиTelegram
Суукту өзгөчө телефондун батареясы көтөрө албасы айтылат. Ал муздап, тоңуп калган учурда жарылып же формасын өзгөртпөгөнү менен ичинде энергия топтоо мүмкүнчүлүгү азаят.
БИШКЕК, 4-окт. — Sputnik. Суук аба ырайы смартфондун ишине терс таасирин тийгизет. Телефонду кыштын күнү кантип туура колдонуу керектигин Sputnik радиосунун эфиринде Computer Reseller News компаниясынын адиси Александр Маляревский айтып берди.
Адистин пикиринде, смартфонго өтө ысык жана муздак температура сөзсүз таасир этет.
"Суукту өзгөчө телефондун батареясы көтөрө албайт. Ал муздап, тоңуп калган учурда жарылып же формасын өзгөртпөгөнү менен ичинде энергия топтоо мүмкүнчүлүгү азаят", — деди Маляревский.
Ошондой эле адис кышта телефонго ысып кетүү коркунучу дагы жогору экенин айтат.
"Мисалы, үйдө, кеңседе жылыткычтар иштеп турат. Биз өзүбүз билип-билбей эле телефонду анын жанына коюп коебуз. Негизи смартфондун батареясы 60 градуска чейин ысып кеткен учурлар болот. Мындайда телефон ошол замат бузулуп, жакынкы айларда иштен чыгат", — деди ал.
Сөзүнүн аягында адис ар бир телефонду туура колдонуу шарттары жазылган баракчасын кунт коюп окуп коюуну сунуштайт. Ошондой эле кышкысын аппаратты тышкы эмес, ички чөнтөктөргө салып, жылуу кармоо керектигин эскертет.
Жаңылыктар түрмөгү
0