Талибдер аялдар үйдө отуруп, алардын ордуна эркектер иштеши керектигин айтты

© REUTERS / WANA NEWS AGENCYКабулдагы нааразылык акциясында афгандык аял
Кабулдагы нааразылык акциясында афгандык аял - Sputnik Кыргызстан, 1920, 20.09.2021
Жазылуу
Кабулдун мэринин милдетин аткарып жаткан адамдын айтымында, аялдар мурда иштеп келген кызматын эми эркектерге бериши кажет.

БИШКЕК, 20-авг. — Sputnik. Кабулдун шаардык чарба системасындагы эркектер иштей алчу кызматты аркалаган аялдар үйдө отуруп, жумушка чыкпашы керек. Бул тууралуу Афганистандын борбор калаасынын мэринин милдетин аткаруучу Молави Хамдулла Номани айтканын РИА Новости жазды.

Калаа башчынын милдетин аткаруучунун айтымына караганда, шаардык чарбада 2,9 миң адам иштесе, алардын 27 пайызы аялдар. Кыз-келиндер райондордун администрацияларында, курулуш жана инженерия тармагында да эмгектенишет.

"Биз жумушун эркектер алмаштыра албай турган же эркектин иши эмес болгон кызматтарда кыз-келиндердин иштөөсүнө уруксат бердик. Алар күн сайын ишке чыгат. Маселен, шаардагы аялдар ажатканаларында иштегендер, себеби ал жакка эркектер барганга болбойт", — деген мэр. Анын сүйлөгөн учурунун видеосун AL Arabiya телеканалы Twitter баракчасына жазды.

Убактылуу мэр райондордо жана борбордук кеңселерде эркектер алардын ишин жасай албагандыктан, аялдар өздөрүнүн ордунда каларын белгилеген. Бул — электр энергетика жана курулуш тармагы экени айтылды.

"Башкалар (эркектер – ред.) иштей ала турган кызматтар туурасында айтсак... Биз аларга (аялдар – ред.) абал турукташмайын үйдө отургула дедик. Айлыктары жүрө берет", — деген мэр.

Афганистанда мектеп аймагында крикет ойноп жаткан аял. Архив - Sputnik Кыргызстан, 1920, 09.09.2021
"Талибан"* афганистандык аялдардын спорт менен алектенүүсүнө тыюу салды
"Талибан"* августтун башында активдешип, айдын орто ченинде Кабулга кирген. Согуш аягына чыкканы жар салынып, 31-августта америкалык аскерлер, Батыш өлкөлөрүнүн жарандары жана алар менен кызматташкан афгандар толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

Жаңылыктар түрмөгү
0