Командалар "Үч улуттун кубогу" жолдоштук мелдешинин алкагында таймашкан. Кыргызстандык футболчу Азим Азаров атаандаштарынын дарбазасына топ киргизип, эсеп 1:0 болду. Дал ушул эсеп оюндун аягына чейин сакталып, жыйынтыгында Кыргызстан жеңди.
Эми алар 7-сентябрда Бангладештин футболчулары менен беттешет. 5-сентябрда болсо Палестина менен Бангладеш футбол ойнойт. Бардык оюндарды Дөлөн Өмүрзаков атындагы стадиондон көрүүгө болот.
Эскерте кетсек, бул жолдоштук турнир улуттук курама команданын Азия кубогу-2023 чемпионатынын тандап алуу оюндарына карата даярдыгынын алкагында өтүүдө.
Кыргызстандыктар көптөн күткөн футбол ордо калаада 2-сентябрь кечки саат 20.30да башталды
Футбол сүйүүчүлөр Дөлөн Өмүрзаков атындагы стадионго агылып келип, стадион көрүүчүгө жык толду
Оюнга даярдык учурунда спортчулар Айсулуу Тыныбекова, Мээрим Жуманазарова, Акжол Махмудовдун сүрөтү түшүрүлгөн футболкаларды кийип жүрүшкөн
Акшумкарлар, алгырлар салт болуп калгандай кызыл түстөгү форма менен ойношту
ФИФАнын рейтингинде Палестина азыркы тапта 102-орунда, ал эми Кыргызстан 101-катарда
Командалар "Үч улуттун кубогу" жолдоштук мелдешинин алкагында таймашкан
Кыргызстандык спортчулар оюнда активдүүлүгүн көрсөтүштү
Беттештин 26-мүнөтүндө Азим Азаров эсепти 1:0 кылып ачты
Палестиналыктар да айбатын көрсөтүп, эсеп жаңырганда жандуу ойноп баштады
Жолдоштук мелдеште эки команда тең активдүү болууга аракет кылды
Күйөрмандар футболчуларга дем-күч берип, алдыга сүрөп турушту
Гүлжигит Алыкулов аз жерден жаракат алып кала жаздады. Атаандаштары аны аңдып эле жүрүштү
Бишкекте көптөн бери мындай ири спорттук оюн өтө электиги келген элден байкалды
Бул ирет жеңиш Кыргызстан тарапта болду. Оюн 1:0 менен жыйынтыкталды
Эми Кыргызстандын футбол боюнча курама командасы 7-сентябрда Бангладештин футболчулары менен беттешет. 5-сентябрда болсо Палестина менен Бангладеш футбол ойнойт
Мелдеш аяктаган соң кыргызстандык футболчулар күйөрмандарга ыраазычылык билдирип, таазим этишти
