Жолдоштук мелдешке Кыргызстан, Палестина жана Бангладеш улуттук курама командалары катышат. Турнир улуттук курама команданын Азия кубогу-2023 чемпионатынын тандап алуу оюндарына карата болот.
Футбол сүйүүчүлөр оюнду Дөлөн Өмүрзаков атындагы борбордук стадиондон көрө алышат. Бирок стадион толо эл болбойт. Футбол союзу СOVID-19 пандемиясына байланыштуу оюндарга стадиондун теңине гана көрүүчүлөр киргизилерин эскертти.
Оюнга билеттер 26-августтан тарта "Фрунзе" гипермаркети менен стадиондун кассасында сатылып баштайт. Билет боюнча маалыматтарды (0558) 98-61-00 номерине чалып билсе болору айтылды.
