БИШКЕК, 20-авг. — Sputnik. Бишкекте футбол боюнча "Үч улуттун кубогу" эл аралык жолдоштук мелдеш өтөт. Бул тууралуу өлкөнүн Футболдук союзунун маалымат кызматы билдирип, беттештердин убакыт-саатын жарыялады.
Ага Кыргызстан, Палестина жана Бангладеш улуттук курама командалары катышат.
"Бул жолдоштук турнир улуттук курама команданын Азия кубогу-2023 чемпионатынын тандап алуу оюндарына карата даярдыгынын алкагында өтөт", — деп айтылат маалыматта.
Оюндар 2-7-сентябрь күндөрү Бишкек шаарында Дөлөн Өмүрзаков атындагы борбордук стадиондо өтөт.
Кубоктун алкагындагы оюндардын расписаниеси:
- 2-сентябрь
Кыргызстан — Палестина
- 5-сентябрь
Палестина — Бангладеш
- 7-сентябрь
Кыргызстан — Бангладеш
КФС СOVID-19 пандемиясына байланыштуу оюндарга стадиондун теңине гана көрүүчүлөр киргизилерин эскертет.
