Рафаэль Физиев UFC уюмунда 15 мыктынын катарына кирди. Жаңы рейтинг

© Sputnik / Александр Гальперин / Медиабанкка өтүүКыргызстандык мушкер Рафаэль Физиев. Архив
Кыргызстандык мушкер Рафаэль Физиев. Архив - Sputnik Кыргызстан, 1920, 11.08.2021
Жазылуу
Физиевдин акыркы беттеши "кеченин таймашы" жана "абсолюттук шоу" деп бааланып, мушкер бонус катары 50 миң доллар сый акы алган.

БИШКЕК, 11-авг. — Sputnik. Кыргызстандык мушкер Рафаэль Физиев Абсолюттук мушкерлер чемпионатынын (Ultimate Fighting Championship) жеңил салмактагы дивизионунда 15 мыктынын катарына кирди. Жаңыланган рейтинг лиганын расмий сайтына чыкты.

Физиев өткөн жекшембиде UFC 265 мелдешинде АКШлык Бобби Грин менен кез келип, калыстардын чечими менен жеңүүчү деп табылган.

Бул ийгиликтен соң кыргызстандык атлет лиганын жеңил салмак дивизионундагы жаңыланган рейтингинде 14-катарга көтөрүлдү.

Учурда дивизиондо Чарльз Оливейра чемпион болуп саналат. Биринчи катарда Дастин Порье, ал эми Жастин Гэджи экинчи сапта турат. Бенэил Дариуш үчүнчүдө. Рафаэль Физиев 14-катарда. Алдыңкы 15тикти Арман Царукян жыйынтыктайт.

Рейтингдин тизмеси: 

Чарльз Оливейра жеңил - салмак боюнча чемпион.

1. Дастин Порье

2. Жастин Гэтжи

3. Бенэил Дариуш

4. Майкл Чендлер

5. Ислам Махачев

6. Тони Фергюсон

7. Рафаэль Дос Аньос

8. Дэн Хукер

9. Конор МакГрегор

10. Грегор Гиллеспи

11. Кевин Ли

12. Диего Феррейра

13. Брэд Ридделл

14. Рафаэль Физиев (рейтингде жаңы)

15. Арман Царукян. 

UFC уюмунун экс-чемпиону Хабиб Нурмагомедов. Архив - Sputnik Кыргызстан, 1920, 10.08.2021
Рафаэль Физиев Хабиб Нурмагомедовдун мушташуу стилин жактырбайт. Видео
"Атаман" муну менен UFC уюмундагы удаасы менен төртүнчү жеңишти камсыздады. Анын үчөөндө көрсөткөн кызыктуу беттеши үчүн ал ар биринен 50 миң доллардан бонус алган.

Бобби Грин менен кармашы да "кеченин таймашы" жана "абсолюттук шоу" болуп, мушкерлердин ар бири бонус катары 50 миң доллардан сый акы алышкан.

Физиев акыркы беттешинде 98,5 миң доллар гонорар иштеген.

Жаңылыктар түрмөгү
0