БИШКЕК, 7-авг. — Sputnik. Кыргызстандык жөө күлүк Дарья Маслова Олимпиада оюндарындагы марафондо (42 чакырым 195 метр) чуркап, марага 36-болуп келди. Мелдештин жыйынтыгын Олимпиаданын уюштуруу комитети расмий сайтына чыгарды.
Жалпысынан 88 жеңил атлетчи жарышка чыккан.
Кыргызстандык атлет кыз 42 чакырым 195 метр аралыкты 2 саат 35 мүнөт 35 секунда убакытта чуркап келген.
Бул жарышта Кения өлкөсүнүн спортчусу Перес Жепчирчир биринчи болуп (2 саат 27 мүнөт 20 секунда) келип, олимпиада чемпиону болду.
Дарья Маслова муну менен Олимпиадалык оюндарын жыйынтыктады.
