Радиостудия Sputnik Кыргызстан в Бишкеке - Sputnik Кыргызстан, 1920
Радио

Найзабекова: Игнатьевдер менен Герцендин кыргыз көркөм өнөрүнө салымы зор

© Sputnik / Асель СыдыковаЗаведующая одного из отделов Нацмузей искусств им. Айтиева Алмакан Найзабекова
Заведующая одного из отделов Нацмузей искусств им. Айтиева Алмакан Найзабекова - Sputnik Кыргызстан, 1920, 28.06.2021
Жазылуу
Гапар Айтиев атындагы Кыргыз улуттук көркөм өнөр сүрөт музейинин илимий үгүт бөлүмүнүн башчысы Алмакан Найзабекова "Муун байланыштырган өнөр" аталышындагы Игнатьевдер жана Герцендин көргөзмөсүндө 54 эмгек коюлганын айтты.
Гапар Айтиев атындагы Кыргыз улуттук көркөм өнөр сүрөт музейинде Кыргызстандын эгемендүүлүгүнүн 30 жылдыгына арналган атактуу чыгармачыл үй-бүлөнүн "Муун байланыштырган өнөр" аттуу көргөзмөсү өтүүдө. Экспозициянын негизин Александр Илларионович Игнатьев, анын жубайы Диль-Афруз Асылбекова, кызы Диль-Фируз Игнатьева жана күйөө баласы Теодор Герцендин живопистик сүрөттөрү түзөт. Бул тууралуу Алмакан Найзабекова Sputnik Кыргызстан радиосунун эфиринде маек куруп жатып билдирди.
Найзабекова: Игнатьевдер менен Герцендин кыргыз көркөм өнөрүнө салымы зор
Анын айтымында, көргөзмө 22-июндан 30-августка чейин уланат.
"Александр Игнатьев Кыргыз ССРинин эл сүрөтчүсү, анын чыгармачылыгы 1930-1970-жылдары Кыргызстанда көркөм өнөрдүн жаралышы жана өнүгүшү менен тыгыз байланышкан. 30-жылдары китеп басмасы, 34-жылы Сүрөтчүлөр союузу негизделип, кийинки жылы сүрөт галереясы ачылган. Ошол кезде Наркомпрос аркылуу мамлекеттин чакыруусу менен көптөгөн орус сүрөтчүлөрү Кыргызстанга келген. Игнатьев да бул жакта жайгашып, казакстандык бийчи Диль-Афруз Асылбековага үйлөнүп, Искендер жана Диль-Фируз деген эки балалуу болушкан. Игнатьев 1916-жылдагы кыргыздардын көтөрүлүшүнө, демократ-акын Токтогул Сатылгановдун турмушуна, Улуу Ата Мекендик согушка арналган картиналарды тарткан. 1960-жылдары Токтогул ГЭСинин курулушу башталгандан тартып аяктаганга чейин санжырасын жазган. "Токтогул" жөнүндө картиналар цикли үчүн ал Токтогул атындагы мамлекеттик сыйлыкка татыктуу болгон. Ал эми жубайы өтө таланттуу сүрөтчү болуп чыгып, 1935-жылы өз алдынча үйрөнчүктөр боюнча экинчи республикалык көргөзмөгө катышып, эң жөнөкөй стилде тартылган өтө кооз жана живопистүү натюрмортторун көргөзгөн. Анын жолун кызы улаган. Ал эми Игнатьевдердин күйөө баласы Теодор Герцен Кыргызстанда графиканын жана монументалдык живопистин өнүгүшүнө чоң салым кошкон. Ал Кыргызстандын борборундагы жана аймактарындагы коомдук имараттардын көркөм-эстетикалык көрүнүшүн түзүү үчүн көп иштеген", — деди Найзабекова.
Ал Гапар Айтиев атындагы Кыргыз улуттук көркөм өнөр сүрөт музейинде 18 миңден ашык эмгек бар экенин кошумчалады.
Жаңылыктар түрмөгү
0