Агроном: дарбыз августта араң бышат, ага чейинкилер ден соолукка зыян

© Sputnik / Алексей Мальгавко / Медиабанкка өтүүДарбыз сатуу. Архив
Дарбыз сатуу. Архив - Sputnik Кыргызстан, 1920, 12.06.2021
Жазылуу
Адис сезонунан башка убакта сатылган дарбыздар чет өлкөлөрдөн алып келинерин, алар кандай шартта өскөнү белгисиз экенин айтты.
БИШКЕК, 12-июн. — Sputnik. Дарбызды жылдын бардык мезгилинде дүкөндөн табууга болот, бирок бышкан мезгилинен башка убакта ал ден соолукка зыян. Бул тууралуу Sputnik радиосуна агроном Владимир Викулов айтып берди.
Анын билдиришинче, коон менен дарбыздын сезону август айынын ортосунда араң башталат. Жылдын башка убактарында сатылып жаткандарынын сырты да башкача болот.
"Буларда нитрат өтө көп өлчөмдө топтолот. Биз дарбыздан бир-эки кесим алып токтоп калбай жарымын жеп салабыз да, кичирээктерин калтырбай жейбиз. Ал бери жагы эки килограмм чыгат. Натыйжада адам нитраттын баарын алууда", — деген адис.
Агроном сезонунан башка убакта сатылган дарбыздар башка өлкөлөрдөн алып келинерин, алар кандай шартта өскөнү белгисиз экенин кошумчалаган.
Көнүгүү жасап жаткан аял. Архив - Sputnik Кыргызстан, 1920, 05.06.2021
Адис: туура эмес арыктаган аялдын этек кири токтоп калышы мүмкүн
"Мындай өсүмдүктөрдө канча өлчөмдө жана кандай нитраттар бар экенин билүү кыйын. Нитратка адатта ууланышат, бөтөнчө балдарга зыян. Ошондуктан августка чейин күтүңүздөр, жаңы дарбыздар чыгат. Анда деле нормадан ашыкча жебеңиздер", — деген агроном.
Буга чейин адистер дарбыз сатып алууда эмнелерди эске алуу зарыл экенин айтып берген болчу. Анда базар же дүкөндөн толук бышкан даамдуу дарбыз алууда анын сөңгөгүнө анча маани бербей, өсүмдүктү чертип угуп же алдындагы ак тагына көңүл буруу зарыл деген.
Жаңылыктар түрмөгү
0