Жердин бетин өрт каптагандай... Африкадагы жанар тоонун видеосу

Жазылуу
Yandex newsTelegram
Конгодогу Ньирагонго деп аталган вулкандан улам ал аймакка жакын шаардын жашоочулары үйлөрүн таштап качууга аргасыз болгон.
"National Geographic Россия" сайтынын маалыматына караганда, Африкадагы активдүү деп эсептелген жанар тоонун бири Ньирагонго 22-майдан тарта ойгоно баштаган.
Эки миллион жашоочусу бар Гома шаарынын тургундары жапырт көчүрүлгөн. Алгач эскертүү жасала электе эле жашоочулар коопсуз жайга өздөрү кете баштаган.
Не монтаж. Рок-группа сняла клип на фоне извергающегося вулкана — видео - Sputnik Кыргызстан, 1920, 17.04.2021
Атылып жаткан жанар тоонун тушунда клип тарткан рок-ырчылар. Видео
Окуяга күбө болгондордун айтымында, Киву көлүнүн жанынан ири эки лава аэропортту көздөй агып, аба майдандын чегине 50 метрдей жетпей токтоп калган. Калаанын чет жагындагы аймактан кеминде 14 киши каза тапкан. Ал эми кооптуулуктан улам түрмөдөн качууга аракет кылган кишини атып салышкан.
Жанар тоону магнитудасы 4,7ге жеткен жер титирөө коштогон.
Видеодон лаванын алыстан көрүнүшү жердин бетин агып келе жаткан өрт каптагандай сезим калтырат.
​Андан сырткары, лаванын токтоп, ар кайсы жеринен түтүн чыгып жатканын байкоого болот.
Гоманын жашоочуларынын бири Ричард Бахати элдин ызы-чуусунан улам эшикке чуркап чыгып, үрөй учурган көрүнүштү байкагандыгын айтып берген.
"Эшикке чыгып, асман кыпкызыл болуп кеткенин көрдүм. Ушунчалык коркуп кеттим. Мындай окуя 2020-жылы болуп, атылган вулкан баарын мойсоп кеткен", — деген ал.
Учурда аталган өлкөдө жайгашкан БУУнун тынчтыкты сактоочулар миссиясы Гоманын үстүнөн учуп, кырдаалга байкоо салып, абалды билип жүргөнүн айтышты.
Жаңылыктар түрмөгү
0